منامات غريبة

مرحبا ماما نجية كيفك ان شاء الله بخير

شفت منامات اليوم ويا رب خير
بشوف بالأول اني بعرف انو ستي ابتسام الله يطول بعمرها كأنها متوفية
ويعني الكل متل مصدوم بس ما عم يبكوا يعني متل حزن بالقلب
وانا بقول معقولة هيك فجأة معد نشوفها وهيك

بعدين مالي متأكدة لو صحيت ورجعت شفت أو تكملة
شفت اني بقول لماما يلي شفتو منام صح وتيتة ما فيها شي ؟
تقول اي

بعدها كمان مو متأكدة لو شفتو بعد ما صحيت او تكملة
بس بشوف اني كأني رايحة عالمدرسة بقدم اختبار
بشوف صديقات من لما كنت صغيرة معي
وحدة اسمها نورا والتانية مو متذكرة مين تمام
المهم بشوف انو بنفوت عالمدرسة بقلهن شوفوا مفكرين حاطين حجاباتنا ونحننا مو حاطينها!
تقول نورا مبلى حاطين
بقلها لا شوفي
بديرها عالمراية بتكون عاملة تسريحة حلوة بشعرها وبقلها يمكن فكرتي التسريحة حجاب
وبقلها كيف بدنا نطلع من المدرسة بدون حجاباتنا
تقلي انا بحط شي يغطي راسي
وبقلها وانا لابسة جاكيت له طاقية بحطها تخبي
وجاكيتي بشوفو زهر وهو عندي ياه فعلاً وحلو

وبشوف فتنا عالصف وبنستنا تجي اوراق الاختبار وما كانت تجي
وبجي بدي طلع كتبي راجعها بس ما عم لاقي دفتر
بطلع دفتر بقلها هاد لأخي بدرسو فيه
بتمسكو نورا وبتطلع منه ورقة بتقلي هاي دراستك صج؟
وبقلها اي هاد خطي

وبعدين مو متذكرة تمام
بس نجي بدنا نطلع بفكر ما معي مصاري لأشتري اكل من المدرسة
بفتح الشنتة بلاقي وبطلع شوي
بعدين بشوف بنت كنت بعرفها كمان اسمها آلاء

تعطيني مصاري وتقلي هدول وقعوا منك
بلاقيهن مصاري غريبة رزمة وعلى وشه عملة من فئة 3000
وهالرزمو مربوطة
بقول هدول مو لي!

بعدين بشوف اني ببيت ستي ابتسام
وبروح عالمطبخ بلاقي خالي حامد بعرف راجع من السفر ومعو من قرايبي وهيك
بقلهن شوفوا هالمصاري مو لي
بيقول خالي اي هدول لقيتهن ببنطلون مدري جاكيت اشتراه من المكان يلي مسفر عليه
ويمكن بعطيه ياهن
تقلو وحدة من قرايبي وما عرفت صاحبهن؟
قال خالي انو صاحبهن بيدور عليهن بس لو قلتلو يمكن يفكرني بهدد او هيك شي

وما بعرف لو قرر يرجعهن لصاجبهن او لا

بعدها بشوف مرت خالي هبة بتحمم بنتها الصغيرة ابتسام

وبعدها بفوت ع غرفة ستي ابتسام
بلاقيها نايمة عسريرها وجنبها خالتي بسمات متسطحة وبتصلي
بصلي وهي متسطحة وبشوف ستي صحيت وفتحت عيونها
فلما ستي تصحى بشوف خالتي فورا ايجت لعندها واتسطحت تحت رجليها
او متل على حضها وبتكمل صلاتها
وستي متل تحط ايدها ع راس خالتي وهيك


بعدها بشوف مرت خالي هبة فاتحة شناتي السفر تبع خالي
وفيها ملابس مطوية وبتطلع منها نضارات شمسية

تعطيني انا نضارة وبنت خالي بيان وغيرنا مو متذكرة مين تمام
وبعرف انو هدايا من خالي
وانا اول مرة بحط نضارة شمسية
ويكون لونها عاكس عأخضر بس حلوة
بحطها وبروح بشوف حالي عالمراي
بلاقي اختي او بنت خالتي عليا مش متأكدة
تقلي مو حلوة عليكي
بقلها مبلى حلوة وعاجبتني

وبس
وانا بنت 18 سنة وانا خالصة دراسة لهيك ما بروح عالمدرسة
وستي ابتسام مريضة وتعبانة شوي هالفترة بس بالمنام بشوفها تعبانة اكترر
وحتى خالتي بسمات مريضة بس مو تعبانة كتير

واما خالي حامد هو لسا مسافر وبمصر
وبس والله يجزيكِ كل الخير يا رب