حلم صديقتي

صديقتي أخبرتني حلم حلمته.. أتمنى منكِ اختي الكريمة تفسيره. لأنه يتكلم عني
(سماهر اسم صديقة لنا)
..
الحلم نقلته من كتابتها::
"كنا عند سماهر ف البيت كنا قاعدين احنا التلاتة ناكل شي ع سفرة اكل صغيرة موجودة بغرفة سماهر وانبسطنا مع بعض وضحكنا كتييير
بعدين انتي وسماهر خرجتو من الغرفة ورجعتيلي بعد شوية ماسكة استشوار
وقلتيلي ابى اسويلك شعرك، قلتلك م يحتاج وكان شعري كويس يعني وكنت لامته ذيل حصان كدا
قمتي شغلتيه وقعدتي تخربطيلي ف شعري بعدين حطيتيه جوا البلوزة حقتي وانا قعدت اصرخ رحتي شلتيه وشردتي وانتي تجري برا الغرفة قلتيلي مالي صلاح سماهر هيا اللي ادتني هوا وقالتلي اسويلك كدا وكنتي تضحكي بقوة
وقعدتي انتي وسماهر برا تضحكو وانا اسبسب فيكم
عدلت شعري ورحت طلعت لقيت بس سماهر جالسة ع الكنبة وأمها ابلة خولة قدامها وكانو كانهم يتفرجو ع التي ڤي
كنت مرره مقهورة من اللي سويتوه رحت عندها وضربت سماهر وهيا تضحك زي الهبلة بعدين رحت عند ابلة خولة وقلتلها معليش ي ابلة خولة بس بنتك قاعدة تستهبل وبعدين سلمت عليها قالتلي لا عادي اصلا احسن
رجعت دخلت غرفة سماهر وانتو جيتو، كانت سماهر تفتح بارواج وكان باين انهم جديدين شكلهم كان مره حلو وحطت واحد منهم
بعدين لقيت فجاة اتنين من بنات خالاتها ظهرو جنبنا وكانت وحدة تمكيج التانية
بعدين فجاة لقيت وحدة تالتة ومعاها شغالة تمشطلها شعرها وقعدت تطلع بنس وبكلات من اشياء سماهر وبهدلت اشيائها كلها
بس انتي كان شكلك غرررييييببب، كنتي محلقة شعرك، محلقته مو قاصته من بعيد يبان حلو عليكي وعادي كنها قصة عادية، بس لمن اقعد جنبك اشوف براسك اشياء غريبة قلتيلي انو رجال اللي حلقلك شعرك كدا، وانو لمن كان يحط مكينة الحلاقة بشعرك جرحك بقوة حتى باين الجرح مره كان كبير، كدا بنص راسك خط طويل واحمر يعني الجرح جديد وكان شعرك فيه فراغات كتير م فيها شعر بالمررة اصلا