حلم عن صدف كبير من البحر

مرحبا ماما نجية يا رب تكوني بخير

اليوم شفت منام حلو كتير الله يجعلو خير

بشوف أني ع شط البحر وعيلتي معي وبشوف موج البحر قوي
بس مو عنيفة قوية بشكل حلو
والموج يجي عالشط ويرمي معو صدف كبيييير
الصدف الحلو تبع الزينة يجي وحجمو أكبر من زلمة ضخميين وحلوين
بقول هدول الله أعلم كم سعرهن!!
بنادي لأخي كريم بقلو احجز وحدة لحق
ويجي لياخد وحدة نلاقي زلمة اخدها
بس الشط من أولو لآخرو يجي عليه هالصدف

ويمكن ناخد 3 لأني بفكر أنو فينا نبيع 2 وتضل وحدة النا
والشط ما فيه ناس كتيير عادي
وبس هيك

شفت بعدين بس يمكن بمنام تاني
أني في سوق وبدخل محل يكون معي ابن خالتي مصطفى
المهم بلاقي ابواط رياضية عالية وحلوة
بختار واحد عالي لونو أبيض وفيه اشياء ملونة بس الوان فاتحة وحلو كتير ومرتب كتير
بقول للبائعة بدي ياه تقلي سعرو 5 آلاف
بقلها اي
بس بعدين تحطو جنبها وتقلي ما ببيعو حتى يجي صاحب المحل
بقلها مو قلتي سعرو 5 الاف؟ تقلي لا يمكن غير ( بعرف كأنها بضاعة جديدة ومو متأكدة)
وتصير تقلي ما بقدر بيعو ( انا بحس جواتي كأنو البنت ما بدها تبيعو الي عن قصد وهيك)
بس أنا مصرة بدي ياه بقلها ما بقدر أجي دائماً أمي ما بقدر اتركها

ومو متذكرة لو بروح أو بضل بس بكون بدي ياه مصرة وهي تقلي حتى يجي صاحب المحل
والبنت الي تبيع صبية شعرها أسود ومش فاكرة الباقي بس يمكن مو فاتحة عادية

وبس
وانا بنت 20 سنة وربي يجزيكِ الخير