تفسير الاحلام مع ماما نجيه (للنساء فقط)
بتدوري على صحبه ولمه واصحاب بجد واهل .. عايزه تحلى مشاكلك ...عايزه تفسرى حلمك؟ تعالى هنا نورينا فى المنتدى وهتتبسطى ان شاء الله معانا ...

منام عن حفلة وبنت مريضة سرطان

اذهب الى الأسفل

منام عن حفلة وبنت مريضة سرطان

مُساهمة من طرف lura في الخميس 11 يناير - 17:02

مرحبا ماما نجية يا رب تكوني بخير

مبارح استخرت ربي ودعيتو يريح قلبي
قلتلك انو الكوتش شيريهان بدها تخطبني لشخص يقربها وهو أخوها
بس هي سألت لو بكشف عن وجهي يعني اقيم الخمار وضل عالحجاب بدون تغطية الوجه
وامي رفضت هالشي وقالتلها بنتي كمان ما ترضى
بس حسيتها لسا بدها ومش عارفة بحس بضيقة
أنا طبعا لو حكت معي بقلها شرطي يحافظ ع حجابي ولو وافق يصير كلام تاني
ولسا ما حكت معي بس استخرت ربي يبين لي ويريحني
وشفت منام اليوم

بشوف بالبداية أنو صايرة حفلة بالنادي
(هو بالواقع صارت حفلة بنهاية السنة بمناسبة سنة جديدة)
بشوف كأنو حفلة شبهها
المهم بشوف شيريهان لابسة فستان أسود طويل وعاملة شعرها حلو
بشوف بين الحضور كمان وحدة صبية حلوة وشعرها أسود وهيك
يكونوا يحطوا غنية شرقية ترقص عليها
تكون شيريهان بغرفة تانية تقلي مين رقص بقلها هالبنت
هي تنبسط بقلها بس مدري حاسة شايفتها بمكان يمكن تعرف مواهب
(مواهب صاحبة نادي تاني وصار بيننا وبينها مشاكل)

بشوف بعدين بطلع وشيريهان تتصل فيني بدها مني ضل جنبها
عشان لو في شي نبهها أو يعني انتبه ع شي

المهم بشوف بعدين بالحفلة في بنتين صغار
بنت شيريهان اسمها ناتالي
بشوف رافعة شعرها ولابسة فستان أبيض
عمرها 10

والبنت جنبها نفس العمر تقريبا ولابسة نفس الشي ونعومة
بس فاردة شعرها وشعرها أشقر وبحسها كأنها أجنبية
بس بشوف أم هالبنت أيجت وحطت لها كرسي لتقعد
بعرف أنو هالبنت مريضة سرطان
بفكر انو البنت قدمت عرض باليه مع البنات وهي مريضة!
وبعرف امها أجنبية

بعدين بشوف العالم عم تروح وبكون بضب الأكل يلي كان بالحفلة
بشوف أكلة حلو محطوطة بسلة عاملتها بنت بنعرفها (وهالبنت بالفعل عملتها بالحفلة الماضية)
بشوف زايد منها باخدها لعند أمي وخالتي يكونوا قاعدين جنب بعض وبقلهن خدوا كلوها أحسن ما تضل لغيركن
هنن بضحكوا
(أمي أسمها صفاء وخالتي ضياء ويكونوا لابسين طقومة حلوة ووحدة منهن لابسة أخضر بس مش فاكرة مين)

بعدين بشوف بين الأكل كم أكلة حلو معمولة وفيها مكسرات بس ما تعجبني كتير
مو مرتبة بحسها وقطع المكسرات محطوطة كبيرة متل جوز ويمكن فستق فبضبها
وبلاقي اكياس فيها أكلات عجين حلو مدورة كبيرة ومحشية
وبقول هدول ما كانوا مبينين

وبلاقي كيسين فيهن كروسان شوكولا
أول كيس يكون فيه قطعتين أو تلاتة بس كباار ومليانين شوكولا
مع هيك بتركهن بلاقيهن الشوكولا طالعة وشوي مفعوسة الكروسان بس مو كتير
مع هيك باخد من الكيس التاني (تكون أصغر شووي ) بس أزبط وفيها شوكولا
وبكون جوعانة وبدي آكل منهن
وبس

وأنا بنت 20 سنة
وأخوها لشيريهان شفت صورتو بالبداية ارتحت له صراحة
بس فتحت الفيس تبعو في شي ما عجبني كتير بس لسا مو واضح لو صار كلام بسأل عنو
بس هيك
وربي يجزيكِ الخير
avatar
lura

عدد المساهمات : 518
تاريخ التسجيل : 10/09/2014

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: منام عن حفلة وبنت مريضة سرطان

مُساهمة من طرف ماما نجية في الأحد 14 يناير - 16:05

حبيبتى الاستخارة حلوة وفيه زواج لك ان شاء الله اذا تقدم ادرسى الموضوع كويس
avatar
ماما نجية

عدد المساهمات : 2276
تاريخ التسجيل : 07/09/2014

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى