تفسير الاحلام مع ماما نجيه (للنساء فقط)
بتدوري على صحبه ولمه واصحاب بجد واهل .. عايزه تحلى مشاكلك ...عايزه تفسرى حلمك؟ تعالى هنا نورينا فى المنتدى وهتتبسطى ان شاء الله معانا ...

عرس بالمنام

اذهب الى الأسفل

عرس بالمنام

مُساهمة من طرف lura في الخميس 8 فبراير - 12:07

مرحبا ماما نجية يا رب تكوني بخير

شفت اليوم منام قبل الظهر ان شاء الله خير

بشوف معزومين على عرس ابن خالة بابا
ببيت خالتو ابتسام

(بس بالواقع ابنها متزوج وطلق ورجع اتزوج تانية وعملوله حفلة من قبل)
بس بالمنام بشوف كأنو غير شكل ابنها يعني بشوفو شاب صغير وأبيض كتير وأشقر
وعملوله حفلة عشا بس بدون رقص وهيك لأنو زواج تاني

المهم بشوف بنجي بيكونوا الضيوف قاعدين بغرفة وفيها العريس والعروس
حول سفرة كبيرة ونسوان ورجال
أما نحنا نقعد بغرفة جنبهن انا وماما وبابا وبعرف معي اخواتي بس ما بشوفهن
وبنقعد لحالنا لأنو ما بنقعد مختلط
ويكون بابا قاعد وبيحكي وهيك (بابا اسمو أيمن)

المهم يكون في النا سفرة كمان
يجيبوا لنا أول شي أكل بس مو الأكل الرئيسي (متل تسكيت جوع بس واستقبال)
ويمكن يكون رز وجاج مو متأكدة

بعدين يجيبوا الحلو
ويجيبوا حلو كتير ومنوع
ويجيبوا صحن كبير فيه حلو شكلو مميز ويحطوه بحضني
انا بستغرب وبحطو جنبي ع الطاولة بس يعجبني

بعدين بنكون بناكل بالحلو
وانا طبيعتي بالأكل شوي بطيئة
بجي بلاقي صحن فيه سمبوسة جبنة من الرقايق
تعجبني وباكل منها
وبجي بدي أكل من الصحن يلي عجبني ما بلاقيه
بقول لماما معقول قاموا الحلو؟!
بتقلي اي اسكتي
وبشوف خالة ابتسام ايجت بتنضف الطاولة
بشوفها أصغر وحلوة ولابسة فستان طويل لونو بين الزهر والنهدي
وحاطة حجاب أسود
وبشوف كأنو أمها معها (مع العلم أمها متوفية) بس بشوف أمها غير شكل ما بعرفها يعني

بعدين بشوف ايجت بنت صغيرة عمرها شي 11
تشوفني تتفاجأ وتجي لتسلم عليي (بعرف أنها حفيدة خالة ابتسام لأني بشوف أمها لميس تضحك لنا)
بس انا من زمان ما شفتها بس بالمنام كأني بعرفها منيييح وصديقتها
تجي تسلم عليي تقلي ما حبيت منك هالسلام نسيتي كيف سلامنا
تجي تشبك أيدي بأيديها وتبوسني أكتر من مرتين وتلاتة بمحبة
وهي مجذبة كتير وشعرها أسود حلو وكثيف

بعدين بسمع صوت كاسات بقول يمكن يحطوا العصير هلأ

وبعرف أنو لسا في وجبة غدا رئيسية بدهن يحطوها بعدين

بس بلاقي ايجت وحدة بعرف انها بنت خالة ابتسام (بس ما بعرفها)
تجي ومعها وعاء صغير فيه سلطة
وفيه وعاء صغير فيه ليمون تحط وعاء الليمون فوق السلطة تجهزو يعني
بعدين يكون في فنجان فيه زيت
تقول هاد مميز كتير وشوفو كيف حأعملو
تجي تحط اصبعها السبابة بالزيت تحرقها وتطلعها وتوجعها كتير
يكون الزيت سخن انا بخاف عليها
ترجع مرة تانية باصبع ايدها التانية السبابة كمان تحطها
وترجع تحرقها نفس الشي!!
وانا بتضايق مشانها لانو تحمر شوي وتحرقها
بس هيك

وانا بنت 20 سنة وربي يجزيكِ الخير
avatar
lura

عدد المساهمات : 480
تاريخ التسجيل : 10/09/2014

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: عرس بالمنام

مُساهمة من طرف ماما نجية في السبت 10 فبراير - 16:34

حديث نفس
avatar
ماما نجية

عدد المساهمات : 2172
تاريخ التسجيل : 07/09/2014

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى