تفسير الاحلام مع ماما نجيه (للنساء فقط)
بتدوري على صحبه ولمه واصحاب بجد واهل .. عايزه تحلى مشاكلك ...عايزه تفسرى حلمك؟ تعالى هنا نورينا فى المنتدى وهتتبسطى ان شاء الله معانا ...

أخي صغير بالمنام وبحر

اذهب الى الأسفل

أخي صغير بالمنام وبحر

مُساهمة من طرف lura في الأحد 11 مارس - 14:19

مرحبا ماما نجية يا رب تكوني بخير

شفت اليوم منام ان شاء الله خير

بشوف أخي كريم بالمنام وكأنو أصغر بعمر 4 سنين تقريباً
بشوفو حلو زي وقت كان صغير وبحبو كتيير كتيير
(أخي بالواقع عمرو 12)
وبشوفو بيلعب وبيتدلع وانا متعلقة فيه كتيير وبحملو وهيك
بشوف ستي ابتسام تحملو
تلاقي شي أسود جوا عينو من تحت
تقول هالشي الأسود غريب لازم نقيمو
(بعرف أنها بدها تقيم عينو لتقدر تقيم هالأسودبعدين ترجعها)
انا بخاف عليه كتيييير وبقلها لا ما بتعمليها!
(بفكر انو لازم دكتور مو نخبص)
وبحمل أخي وبتعلق فيه وبقول ما حخليهن ياخدوه
وبقول لماما أنتي مستعدة لو انأذى شو حيقلك بابا! وانو ما استنيناه؟! (لأنو بابا دكتور)

بعدين بشوف كأنو أخدوا كريم مني انا بخاااف وبكون ببكي بس عالهادي وانا خايفة
بس بلاقي تيتة قامت الأسود ومشي الحال تقلي مشي حالو خلص
انا بمسكو بلاقي عينو طبيعية (وهي يمكن العين اليسار) وراح الأسود
بحملو وبعانقو وبضمو بكل تعلق وهيك

بعدين بشوف كأنو نحنا بالبحر
بقول لأختي شو رأيك بكرا نصحى من بكير ونسبح تقلي اي
بعدين بشوف نازلين عالبحر بفكر ما حنسبح بلاقي بابا وماما بدهن يسبحوا وهيك فبقرر اسبح معهن
بشوف تيتة سهام قاعدة عالشط ونخلي كريم معها
الوقت يكون تقريبا عالمغرب
بس بشوف البحر كأنو ينفلق ( زي بقصة سيدنا موسى عليه السلام)
بس تقريبا بعرض متر أو مترين وطوييل لأدام
الناس تكون متفاجأة وكلها واقفة بين الماي (يعني بين قسمين البحر بالفراغ) وتكون بتتصور وهيك
وانا بكون بمشي بهالفراغ تجي وحدة من الزحمة تدفشني برجع عالماي بس عادي
بعدين معد بشوف هالفراغ
بس بشوف الموج عالي بس مو مدمر
يجي يهدا شوي بعدين تجي موجة عاااالية كتييير بعلو بناء
يقول بابا شفتو ليش كان هادي لأنو جاية موجة قوية بعدو
بس عادي ما بنكون خايفين ونمر منها عادي بس بخاف على تيتة وكريم عالشط
بعد ما تمر بتطلع بلاقيهن تمام وبخير ما صارلهن شي
وبس هيك

وانا بنت 20 سنة
وبالفعل بحب أخي كريم كتير من وقت كان صغير وبخاف عليه
والله يجزيكِ الخير يا رب
avatar
lura

عدد المساهمات : 540
تاريخ التسجيل : 10/09/2014

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: أخي صغير بالمنام وبحر

مُساهمة من طرف ماما نجية في الإثنين 12 مارس - 23:43

حبيبتى اخةك مدلع شوية مش بيشيل اى مسؤلية وبيتعامل بس اصغر من سنه اما والدك بيفكر فى سفر وانت بتفكرى تسافروا معه واحيانا بيكون هادئ واحيان بيصور وانت بتخافى من صورته وتقلبه وبتحتارى كثير معه وربنا ينصركم
avatar
ماما نجية

عدد المساهمات : 2327
تاريخ التسجيل : 07/09/2014

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى