تفسير الاحلام مع ماما نجيه (للنساء فقط)
بتدوري على صحبه ولمه واصحاب بجد واهل .. عايزه تحلى مشاكلك ...عايزه تفسرى حلمك؟ تعالى هنا نورينا فى المنتدى وهتتبسطى ان شاء الله معانا ...

منام عن جمعة ببيتنا

اذهب الى الأسفل

منام عن جمعة ببيتنا

مُساهمة من طرف lura في الجمعة 23 مارس - 12:06

مرحبا ماما نجية كيفك ان شاء الله بخير

اليوم بفترة الضحى شفت منام يا رب خير
بس بالأول بقلك الظروف قبل المنام
صحينا الساعة 7 الصبح اتصلت فينا صاحبتنا شيريهان (والي بدها تخطبني لاخوها)
وطلبت مساعدة بابا يجي يفحص بنت حماها مريضة كتير وتعبانة
بابا راح بس كانت ماتت
المهم انا بعرف بنت حماها وطبعا تأثرت ودعيتلها وهيك
بعدين نمت وشفت هالمنام

بشوف شيريهان جاية لعنا مع رفيقة النا كمان
وجاية معها حدا ما بعرف مين ومعهن بنات صغار حلوين
المهم يكون عنا كمان تيتة سهام وتيتة ابتسام
ويقعدوا كلهن

وانا بقعد معهن وبعزيها لشيريهان وبكون قاعدة جنبها
بتقول كنا ناويين نعمل عيد الأم الجمعة وهي اتوفت

بعدين بروح وبرجع بلاقي خالتي بسمات ايجت مع بنتها عليا وسيرين
بجي بسلم عليها بقلها ايمتى ايجيتي ما انتبهت
بشوفها أحلى وصحتها أحسن ولبسها حلو فيه لون وردي كمان
وهي تضحك لي وتسلم علي من قلبها وهيك
وبشوف بنت خالي بيان كمان

وتجي شيريهان تحاول تلمح كعادتها عن أخوها ولي بعدين تضحك
وتنادي لآمنة وأمها (صاحباتنا وعارفين بالموضوع) ويروحوا عالحمام كأنها بدها تاخد رأيهن بشو تحكي
بعدين ترجع

بعدين بروح بضيف القهوة وبشوف بضيف شيريهان
وبعدها بروح وبرجع بلاقي ايجا عمي أنس بس بشوفو حاتط نظارة سميكة
بقول لماما لا تطلعي عمي هون تقول كيف يجي صارت القعدة مختلطة وهيك
بعدين بشوف بدي اعمل قهوة كمان بطلع فناجين بس وبحمل بايدي بس يوقع شي وينكسر وانا حاملتو
ويكون جنب رقبتي ماما تسحبو بهدوء مشان ما انجرح
بعدين بدخل كمان بلاقي ايجوا ناس أخوات تيتة سهام كوكب وإلهام ويكونوا قاعدين بالصالون مع الكل
وبشوف 2 من معارقنا اسمهن سلمى وميس بقول معقول تيتة قالتلهن يجوا؟! لأنو ما ايجوا على بيتنا بعد ما رجعنا..

المهم يصير في كتير ناس
وبشوف شيريهان قامت وتأشر لجروبها انو يمشوا
بكون بعمل شي تجي هي تنادي لي بدلع جديد
وتقول هاي لجين رفيقتي وهيك وتحكي حكي حلو
وتسلم عليي وتبوسني كتير وتضمني وانا هيك
حتى ببوسها من الطرف اليمين واليسار بعدين ترجع مرة تالتة كمان
مع عناق كتييير حتى آخر شي لما تفلتني بوقع بس انا مش متضايقة بالعكس مبسوطة فيها

وتروح ويروحوا معها بنات صغار حلوين ما بعرفهن بس نقلهن تعوا مرة تانية وخيك

بعدين بشوف كأنو البيت مش بيتنا ويجي ولد صغير يفتح الباب يدخل عجوز كبير وتعبان
بقول لماما هاد زوجها لخالة ام خالد تقلي اي يمكن
فنحنا كمان نجي بنروح

بشوف انو نحنا بالسيارة مع بابا
بشوف ماما تدخن تحت حجابها واولاد يضحكوا عليها
بقلها ماما مو زابط هيك يعني
تقلي اي والله وتكب السيجارة
بتطلع بلاقي بابا يدخن كمان انا بتعجب من ايمتى بابا يدخن!
ونوصل على حاجز الجيش جنب بيتنا نمر من أول واحد عادي
نمر عالتاني بلاقي بابا رجع لورا عواض ما يروح ادام وانا مش فاهمة شو القصة بتعجب
حتى يوصل للحاجز ورا يقلهن بدهن نمشي واللغم شغال!
ينتبهوا الحاجز التاني ويفكوا الألغام ويختبروه يقولوا خلص معد في شي
وفعلا نمر وما يصير شي

بس هيك
حتى بشوف جوا المنام بنت خالتي سيرين عندها 4 بنات وحدة منهن بحسها مش بنتها أحلاهن وأمورة
تكون تمشي ومتلبكة ففيهن بقلها هاتي 2 بمسك ايديهن ونمشي
بس البنت الي بحسها مش بنتها تجي تفلت ايدي وتروح ع متل مكان خطر عالي
وتعلق رقبتها كأنو بحبلة او شي ومو متذكرة الباقي تمام لو يصير لها شي او لا يعني هالمقطع مو متذكرتو تمام

بس هيك

وشيريهان ايجت من فترة 3 اسابيع ورجعت حكت بالموضوع وموافقين عالخجاب
بس كان بدهن اختلط مع السلف كونه محرم مؤقت بس نحنا قلنا لا ما يجوز
بس هي لسا تفكر بالموضوع وما بعرف لو تقتنع بدون سلف او لا

وما بعرف المنام لو حديث نفس او لا بعد يلي صار
وماما وبابا ما يدخنوا وبابا ضد الدخان كتيير
بس هيك

وانا بنت 20 سنة وبدعي الله يختار لي الخير بحياتي
وربي يجزيكِ الخير
avatar
lura

عدد المساهمات : 534
تاريخ التسجيل : 10/09/2014

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: منام عن جمعة ببيتنا

مُساهمة من طرف ماما نجية في الأحد 25 مارس - 0:02

اطغاث احلام
avatar
ماما نجية

عدد المساهمات : 2313
تاريخ التسجيل : 07/09/2014

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى