تفسير الاحلام مع ماما نجيه (للنساء فقط)
بتدوري على صحبه ولمه واصحاب بجد واهل .. عايزه تحلى مشاكلك ...عايزه تفسرى حلمك؟ تعالى هنا نورينا فى المنتدى وهتتبسطى ان شاء الله معانا ...

عزيمة بالمنام وسفرة

اذهب الى الأسفل

عزيمة بالمنام وسفرة

مُساهمة من طرف lura في الإثنين 16 أبريل - 11:18

مرحبا ماما نجية يا رب تكوني بخير

اليوم شفت منام ما بعرف ان شاء الله خير

بشوف انو أنا وأمي وأختي وخالتي بزيارة عند شيريهان صاحبتنا
وشيريهان يكون عندها أمها وأختها (بعرفهن بالواقع) وخالتها وتكون شقرا وبيضا وعيونها ملونة وحلوة <بس ما شفت هيك خالة عندها من قبل

المهم بشوف تكون حاطة النا سفرة وفيها كبة مقلية وكبة لبنية
وبيتزا مدورة كبيرة وفطائر ومعكرونة ببشاميل
ونجي ناكل وهيك
بعدين بقوم بكل شكل طبيعي بساعد بلم الطاولة
وحتى بروح المطبخ بنضف ايدي وتمي وبجي لأجلي كمان

بشوف شيريهان تقول
شو رأيكم لو تجوا شي يوم بكير ونطبخ الغدا سوا
تقول خالتي ضياء والله صعبة عليي وهيك
بقلها أظن ماما تقدر
تقول ماما اي عادي
بقلها أي ماما بتقدرت خلص الطبخ بساعتين
تقول شيريهان وانا كمان بخلص بسرعة

وبعدين تقول انو خالتتها بدها تعمل عزيمة النا عندها كمان

وبشوف بعدها ايجا ابنها لشيريهان كريم
عمرو 14 بس بشوفو شوي متغير
لما يجي بقلو كيفك كريم يجي ليتطلع علنيا اختي فورا تسكر الستارة تقلي كبير وهيك
بقلها اي بس بعدين يقول كريم في أكل كمان او هيك شي

بجي بلاقي صحن فيه أكل
فيه ورق عنب ملفوف وكمان فطائر وبيتزا صغيرة وهيك
وبنص الصحن فيه خس صغير حلو كتير ومحشي جواه تبولة
تقول شيريهان الفطاير نسخنها عالصوبيا
بقول لأختي تعي افصلي التبولة عن الأكل ليستخن
وباخد الصحن لعندهن
وبشوف كريم يمشي بالبيت وهو بالداخلي من تحت وعادي مش مستحي
بس حدا من اهلو يقلو عيب ما بعرف

ونجي نرجع نقعد عالطاولة
باخد 3 ورق عنب ملفوف ويكون شهيين
وباخد زبدية لحط تبولة بس ما بلاقيها
بشوفهن يحطوا مع ورق العنب متبل
ويكون في متبل ومقبلات متل بابا غنوج وهيك شي (يكون باذنجان مدقوق مع لبن وهيك)
بجي بحط متبل وبلاقي بعدين التبولة محطوطة بقنينة زجاج بقول يمكن لبعدين أو لسا ما حدا حط

وبس هيك
وقلتلك شيريهان لسا تلمحلنا مشان اخوها بس ما طلبت مباشرة لسا
وانا بنت 20 سنة محتارة وبدعي الله يختار الخير
وآخر فترة اجتمعنا عند شيريهان مع صاحبات بالنادي كمان مش لوحدنا
وكل مرة نجتمع عند حدا بس مو لهالدرجة يكون في أكل
وبس هيك
وربي يجزيكِ الخير يا رب
avatar
lura

عدد المساهمات : 540
تاريخ التسجيل : 10/09/2014

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: عزيمة بالمنام وسفرة

مُساهمة من طرف ماما نجية في الجمعة 20 أبريل - 22:11

حبيبتى ان صدقت رؤيتك ان شاء الله هتطلبك لاخوها وانت هتوافقى
avatar
ماما نجية

عدد المساهمات : 2327
تاريخ التسجيل : 07/09/2014

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى