تفسير الاحلام مع ماما نجيه (للنساء فقط)
بتدوري على صحبه ولمه واصحاب بجد واهل .. عايزه تحلى مشاكلك ...عايزه تفسرى حلمك؟ تعالى هنا نورينا فى المنتدى وهتتبسطى ان شاء الله معانا ...

ضياع المانطو وإيجاده وبحر بالمنام

اذهب الى الأسفل

ضياع المانطو وإيجاده وبحر بالمنام

مُساهمة من طرف lura في الجمعة 11 مايو - 13:17

مرحبا ماما نجية كيفك ان شاء الله بخير

شفت منام اليوم الجمعة قبل صلاة الظهر وان شاء الله خير
بالأول بقلك شوية ظروف صارت قبل رؤية المنام


وشفت هالمنام قبل الظهر

بشوف بالمنام بالبداية أني بالنادي
وبشوف كأنو علب فيها كنادر وهيك بس مغلقة
وأنا بكون عم دور على صندل لي بعرف أني جبتو لونو زهري وما عم لاقيه
تكون شيريهان مبسوطة وبدها تشوف صندلي تفتح علبة فيها صندل زهري تقلي هاد؟
بقلها لا هاد لقمر (بنت بالنادي)
وما بعرف لو بلاقيه آخر شي أو لا


المهم بعدها بشوف راكبة بباص صغير راجعة ومعي ماما واأختي وفادية وآمنة
بكون قاعدة جنب آمنة وبيكون معي أكياس كتير
بلاقي نفسي شلحت مانطويي (وبكون لابسة مانطو عندي مرتب كتير لونو كحلي وجديد)
بشوف شلحتو وحطيتو مع الاكياس على حضني
وبعرف كأنو بسبب آمنة شلحتو
نجي نقرب على حاجز الأمن بطلع هويتي بعطيهن ياها
وبعدين نوصل جنب طريق البيت
بقول ليش انا شلحت المانطو؟! خلص بلبسو هلأ لأنزل من الباص
بنجي بننزل وبجي بدي البسو ما بلاقيه! وبجن وبصير بدور بالاكياس مع أمي وأختي
وما بلاقيه وما بلاقيه
وبشوف أني حاطة منديلي على وجهي بس بلا مانطو نازلة
وبكون لابسة كنزة زهرية لأول الفخد وفيزون تحتها
وبنوصل عالبيت متضايقة برجع بدور عالمانطو بالاكياس وما بلاقيه
وبشوف حالي عالأرض منبطحة وعم اضربها ويمكن عم أبكي أو مقهورررة
وانا بقول لماما بدي هاد المانطو شو ماصار بدي يااه (ومقهورة كتيير كأنو ما عندي غيرو)
فجأة بلاقيه معلق للمانطو بتقلي ماما لقيتو مع أختك كان مو مبين بالاكياس
وانا بيطييير مخي بنببسط كتييير وبجي بمسكو وهيك وبرتااح
وبشوف كأني عم أحكي لآمنة
آمنة تحكي عن لبس المانطو أو هيك شي
بقلها والله أنا ما بقدر بلاااه أبدااا
شفتي هداك اليوم معد لقيتو نزلت وانا متضايقة والحمد لله لقيتو
ما بقدر امشي بلاه حتى لو جاكيت طويل للركبة ما بقدر (بقصد متل يلي تلبسو هي)
يعني ما بقدر إلا طويل ونفس تبعي
وهي تكون ساكتة وكأنها مو رايقة وبعرف أنو بسببهن شلحتو بالأول

بعدين بشوف كأنو بابا جاية من سفر وبيدخل من البلكونة وهيك

وبشوف بعدين من الشباك في بحر
بحر كتيير بيجننن وحلو والناس تسبح فيه ومبسوووطة
وموجه هادي وقرريب كتير من الغرفة
بقول لأختي ماسة
شو رأيك بكرا نصحى بكير عالساعة 6 ونسبح
تقول ماما لا يكون برد الصبح خلوها للمسا
بجي بفكر أنو هلأ لسا الساعة 6 وربع وباقي ساعة للمغرب بنلحق نسبح! بس يمكن بدنا نتغدا
بس بشوف كأنو بلمس البحر أو يجي موجو عليي أو هيك شي ويكون كتير مريح وحلو

وبس هيك

انا مش عارفة يا ماما بس مبارح بصلاتي وعالفجر دعيت ربي ينصر الحق لأني جد انقهرت كتيير ومن قلبي
يعني حتى نحنا ما عطينا موافقة لسا عالخطبة بس تصرفاتهن كانت متغيرة


وانا بنت 20 سنة وربي يجزيكِ الخير


عدل سابقا من قبل lura في السبت 12 مايو - 1:42 عدل 1 مرات
avatar
lura

عدد المساهمات : 540
تاريخ التسجيل : 10/09/2014

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ضياع المانطو وإيجاده وبحر بالمنام

مُساهمة من طرف ماما نجية في الجمعة 11 مايو - 19:23

حبيبتى لاتخافى الامور هتتلخبط شوية لكن فى الاخر هيكون من نصيبك وفيه سفر لك ان شاء الله
avatar
ماما نجية

عدد المساهمات : 2327
تاريخ التسجيل : 07/09/2014

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى