تفسير الاحلام مع ماما نجيه (للنساء فقط)
بتدوري على صحبه ولمه واصحاب بجد واهل .. عايزه تحلى مشاكلك ...عايزه تفسرى حلمك؟ تعالى هنا نورينا فى المنتدى وهتتبسطى ان شاء الله معانا ...

تغيير البلاط في المنام

اذهب الى الأسفل

تغيير البلاط في المنام

مُساهمة من طرف lura في الإثنين 4 يونيو - 15:29

مرحبا ماما نجية يا رب تكوني بخير

شفت منام اليوم غريب ان شاء الله خير

بشوف بنروح على بيت تيتة ابتسام نقعد فيه فترة أو هيك
بعرف أنها هي مسافرة أو رايحة لمكان ما
المهم بشوف بنكون بدنا ننام

نلاقي رجل دخل غرفة تيتة (الي بدنا ننام فيها)
وهالرجل حامل بلاط بأيده ورخام ويكون معه ولد صغير أو بنت صغيرة مش فاكرة
المهم نحنا نتفاجأ وأختي تخاف تقول شو دخلو لعنا وهيك!

نجي نطلع نلاقي البيت كلو عم ينخلع بلاطو ليتركب بلاط جديد عالأرضية وفي عمال
ويكون في رخام بكل مكان محطوط
ألوانه مش فاكرة بس فاتحة وفي لون تفاحي ع وردي

نكون مستغربين شو القصة حتى بلاقي السطح فوق بيت تيتة عم يتعمر كلو وبسرعة
(هو السطح معمر منو بس غرفتين لخالي
بشوفو عم يتعمر كلو حيطان وسقف وهيك

تتصل ماما بتيتة تقلها شو في ليش فجأة
تقلها والله هي رتة الي عملت هيك أو اقترحت هيك
وبس مش فاكرة الباقي

في مقطع تاني ما بعرف بنفس المنام أو لا
بشوف نكون أنا وأختي بالجامع بعرف آخر أيام رمضان أو قبل العيد
نكون قاعدين يدخلوا أطفال يضيفونا حلويات
وحلويات مرتبة وكبيرة بتيفور وهيك وانا باخد منهن بحطهن بكيس
وبلاقي معي كيس تاني فيه قطعتين بوظة عم تدوب بقول لازم حطها بالتلاجة فورا
بشوف بس بعدين دخل رجل عالجامع من الجيش عسكري
وعم يتأكد من هويات البنات
نكون انا واختي كاشفين عن وجوهنا
بقلها حاولي لا تنظري لوجهو ولا تلفتي نظرو
ما فينا نغطي هلأ يفكر نخبي شي
وفعلا يجي يشوف هوياتنا بدون ما ينظر لوجهنا ويكون شكلو طيب وهو شخصية وبالعشرينات تقريبا
وبس


(تيتة بالواقع مو ناوية ع تغيير ببيتها
وساكن معها خالي الأصغر مع مرتو وبنتو (ومرتو حامل هلأ)
وبنت خالي كمان ومخطوبة هلأ
والسطح فيه غرفتين ساكن فيهن خالي الأكبر أحمد
ورتة هي كانت زوجة خالي أحمد السابقة واطلقت بس لسا ع تواصل مع ستي ومع خالي
بس ما في نية رجوع وبس هيك

وانا بنت 21 سنة وربي يجزيكِ الخير
avatar
lura

عدد المساهمات : 518
تاريخ التسجيل : 10/09/2014

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: تغيير البلاط في المنام

مُساهمة من طرف ماما نجية في الأربعاء 6 يونيو - 23:09

حبيبتى ربنا هيغير حياة جدتك للاحسن ان شاء الله اما انت فعندكم جمع فى مناسبة حلوة ان شاء الله
avatar
ماما نجية

عدد المساهمات : 2276
تاريخ التسجيل : 07/09/2014

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى