جامع كبير و فلوس

مرحبا يا ماما نجية كيفك ان شاء الله بخير

عمي شاف منام ويا رب خير

بيشوف أنو بجامع كبير زي الجامع الأموي
و انه الجامع ما في حدا غيرو بس لابس بدلة حلوة
بس يجي يشوف حالو يلاقي لابس شورت من تحت
هو ما بيستحي بس بيقول معقولة بدلة من فوق و شورت منقص تحت

و بيفكر بنفس " شو قصتي كل مرة بشوف بمناماتي يا أما حذائي ما عملاقيه بالجامع يا أما شي ضايع مني وهيك "

بس يجي يتطلع يلاقي جزدان أبيض ملياان مصاري
هو بياخدو من الأرض وبيقول الحمد لله بيكفي لقينا الجزدان

بالمنام بيعرف انه هالجزدان له بس هو بالحقيقة ما عنده هيك جزدان

و هو بالفعل دائما بيشوف منامات انو بالجامع و  قبل ما بيطلع ما بيلاقي حذاؤه وبيصير بيدور عليه
أو بيطلع بعدين ما بيلاقيه بيرجع عالجامع وبيدور عليه و هيك

و عمي متزوج و عنده ولدين و بنت وكان عنده ابن اتوفى من سنتين بمرض عضال
و أوضاعه هلأ شوي صعبة بس هو صاحب دين الحمد لله

وبس و الله يجزيكِ الخير ماما نجية