قطط في المنام

مرحبا يا ماما نجية

كيفك ان شاء الله بخير

شفت منام اليوم و ان شاء الله خير

بشوف بالبداية كأنو كنا بمحل للملابس و امي بتشتري بس ما بعرف لمين
معنا خالتي ضياء و بشوف كنزات حلوة كتير لونها زهر و أخضر

بعدين بشوف راجعين بتقول انو اليوم حنروح عند خالاتك ضياء و بسمات
بقلها ليش مو بالعادة عند ستي
تقول هيك اليوم

المهم بعدين بشوف كأنها صايرة حفلة بنت خالي يلي انخطبت
بس هي حفلتها بالواقع صارت
و اختها مخطوبة بس لسا ما صارت حفلتها

بشوف كأنه صايرة حفلتها واسمها بسمات
و انا باخد الهدايا من الناس و كأنها الهداية الها ولأختها
المهم باخد من وحدة اسمها هبة و بعدين باخد من وحدة داعية
باخد منها هدية بكيس أحمر و تقلي يا الهي شو صايرة بتشبهي جدك
انا بقلها جدي مين ( لاني ما بعرفهن ماتوا قبل ولادتي )
فبتسكت شوي وتقول اجدادك الاتنين
تقلي أختي اكيد قصدها جدك أبو أبوكي
وبحسها كانت بدها تقول هيك بس قالت الاتنين
مع اني بالواقع ما بشبهو


بعدين مقطع تاني بشوف انو ببيتنا
بفوت عالحمام العفو منك و بخلص وبطلع بس ما في ضو بعرف مقطوعة الكهربا

بعدين بشوف حاملة موبايلي بشغل الضو بشوف بالحمام قطة جنب التواليت الله يكرمك
بنصدم بقول كيف قعدت ولا انتبهت لها
والقطة شقرا قاعدة و هادية بس تنوي شوي لما بحط الضو عليها

بعدين بروح ع غرفة القعدة بقول لأهلي شفتوا في قطة بالحمام !
بلاقي قطة قاعدة على كنبة جنب باب البرندا بس تنوووي كتيير لونها رمادي تقريبا عيونها يمكن خضر مش متأكدة
و بتنوي كأنها متألمة و صوتها ما عم يطلع تمام و بتتحرك كتير
آخر شي بتنط وبتطلع من فتحة صغيرة من باب البرندا
بركض بقول شفتوا من وين عم تجي القطط
بس بلاقي برا في قطط 3 او 4 غيرهن
وبينهن قطة كبيرة كتييير و وشها سمين و كبير و بتررعب
بروح بسرعة بسكل هالفتحى بلاقيها بتخرمش عالباب و بدها تفوت
بقوم بسكر الأباجور بسرعة و بعرف معد تقدر تفوت

اهالقطة لونها رمادي ع أسود و سمينة كتير و كبيرة كأنها دكر

وبس

و انا بنت 18 سنة
حالتي الدينية الحمد لله بحاول اتقرب أكتر
بس هالفترة بتجيني وساوس كتيير و عم يجيني تشتت كتير وقت الصلاة او قراءة القرآن
وهالشي مضايقني كتيير

و الله يجزيكِ الخير