موت شخص في المنام
2 مشترك
صفحة 1 من اصل 1
موت شخص في المنام
مرحبا يا ماما نجية كيفك ان شاء الله بخير
شفت اليوم حلم بس لقيته غريب شوي وان شاء الله خير
بشوف بالبداية اني ببيت ستي
و بعرف كأنو بنت خالي بسمات ماتت
انا بكون بفكر و مصدومة كيف ماتت فجأة
بيقولوا انه كان طالعلها كتلة او حبة ما بعرف وأثرت و هيك فجأة
و بشوف ستي اسمها ابتسام متضايقة بس مو كتير
و بسمعها بتقول الحمد لله انها ان شاء الله عالجنة
وبعرف كأنو حدا شاف منام بيبشر بهالشي
و بقعد بفكر كيف حال خطيبها هلأ يا ترى
و بشوف اختها بيان كمان مو متأثرة كتير بقول كيف مو متأثرة
بعرف انو بسمات اتوفت مبارح و اليوم الصبح اخدتها حماتها و خلتها تتسلى و لهيك خفت الصدمة شوي
( مع العلم انه حماتها مسافرة حالياً )
بعدين بشوفها نفسها بنت خالتي و بعرف انها عاساس ميتة بس عايشة
وقاعدة و كأنها متضايقة كتييييير و عم تقول اتركوني لحالي
انو بتلحق آخر وقتها
بعدين بصحى
ورجعت نمت شفت متل تكملة
بشوف أول شي كأنه أمها اتصلت
( للعلم امها مطلقة من ابوها من زمان و ستها مربيتها هي و اختها )
برد عليها و اسمها ايمان
تكون بنت خالي بيان جنبي
بتقلي امها انو اسألي بيان علي ما حيزورني هالشهر ؟
انا بتفاجأ من السؤال و بفكر قصدها بناتها وبقول ليش بتسأل هيك و هنن يزوروها كل أسبوع
فبقول لبيان تقول امك ما حتزوروها
بتقلي امها لا عم قول اسأليها علي ما حيزورني
انا بفكر علي انه يمكن واحد بيشتغل معها
فبقول لبيان تعي احكي معها ما عم افهم
بس لما تقول علي تظهر لي صورة متل رجل كبير له لحية و لابس متل عباءة كاملة لونها بني حتى تغطي راسو
زي يلي بيلبسوها الشيوخ
و بعدين بشوف بنت خالتي بسمات يلي عأساس ماتت
بتقلي سورة القرآن هاي شو تكملتها
وتقرا آية يمكن يمكن سورة الماعون عالأغلب
بقلها أي آية ؟
بلاقيها مسكت القرآن و بتقرا
بقول شكلها بدها تلحق قبل موتها
بعدين بشوف بنت خالتي سيرين بالمطبخ
عم تحكي عن المهدي و عن شيخنا يلي اتوفى الله يرحمه
وبلاقي بيان مدموجة و عاجبها الحديث
و تقول اصلا لما طلع كلام انو حسن نصر الله هو المهدي
شيخنا قابلو و عرف انه مو هو من المقابلة
وانا بتفاجأ اني اول مرة بعرف هالشي انو قابلو
بعدين بشوف نفسها بسمات شكلها تعبان و متضايقة
وناح أنفها الطرف اليسار شكلو متغير و الفتحة كبرانه و طالعة لفوق شوي
انا بتضايق كتير مشانها و هيك
و بعدين بلاقيها لابسة حجابها و بدها تروح عند رفيقتها
وبتقلي شايفة هالطابة تطلع طابة صغيرة بيضا
تقلي تتذكريها ؟ اخوكي أحمد كان عندو متلها و بدي اهديها لبنت رفيقتي مشان عيد ميلادها
انا ما بحبها بس حأهديها ياها
بقلها اي اتذكرتها
مع انه ما عنا هيك شي
و بس
و بنت خالي حالتها النفسية مو تمام
و هي لهلأ مترددة مشان خطيبها
و بس
و انا استغربت ظهور الاسمين علي و حسن بالمنام
( للعلم اني سنية )
و بس وانا بنت 18 سنة و الله يجزيكِ الخير ماما نجية
تكون بنت خالي بينات
lura- عدد المساهمات : 542
تاريخ التسجيل : 10/09/2014
رد: موت شخص في المنام
حبيبتى بنت خالتك عمرها طويل ورزقها كثير وربنا هيتمم لها على خير ان شاء الله اما الباقى اطغاث احلام
ماما نجية- عدد المساهمات : 2327
تاريخ التسجيل : 07/09/2014
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى