حلم موت بنت صغيرة

مرحبا يا ماما نجية

كيفك ان شاء الله بخير

شفت منام و يا رب خير

بشوف بالأول اننا ببيتنا القديم يلي طلعنا منو

و اني بالصالون
بس بنص الصالون الله يكرمك في تواليت
بجي بقعد و بببول كتير بس بلاقي البول العفو منك ايجا عالأرض
و على بطني و بيكون شعري مفرود فبيجي شعري ع بطني وبيجي عليه
بجي بغسل ناح بطني و شعري بتقلي امي ليش هيك بتعملي
بقلها ايجا عليه

بفكر انو بدي نضف الأرض كمان بس بنفس الوقت بفكر انو هاد منام و مو حقيقة حتى نضف
و يعني آخر شي بين الواقهع و المنام

بعدين بشوف كأنو خالتي و بناتها عنا و خالي حتى
و بنت خالتي نسرين عنا و معها بنتها نايا عمرها هي شي 3 اشهر
بس بشوفها بالمنام أكبر و بتجنن ما شاء الله حلوة كتير و عم تبلش تحكي
عم تقول اسمها نايا و هيك
فبلاقيها طلعت عالبرندا
السياج عنا عالي بس بشوفهو أوطى شوي
هي ترفع حالها و عم تنادي لأخي و حدا معو تحت
كأنها بتقلهن باي و هيك
بجي بقلها قوليلهن اسمك نايا
بتقلي خلالتي روحي امسكيها هلأ بتوقع حالها
بركض لعندها بلاقيها فعلا مطت حالها وقلبت لتحت !
انا بنصدم كتييير و بقول لو أني لحقت قبل !
و بتركض خالتي مع بنتها علياء ليشوفوها تحت
و انا بركض بدي حط غطا صلاة او شي حتى انزل مستورة
بلاقي غطا بجي لحطو بلاقيهن طلعوا
بقلهن شو ؟!
يقولوا خلص راحت تحتا بركة دم و انها ميتة
وانا بقول لا مو عقول ! والكل بيزعل و مصدوم
و بتجي بنت خالتي نسرين مو دريانة
بتقلها امي لازم تسلمي امرك لله و هيك بتمهد لها
وبتعرف و بيزعلوا بس مو متل الزعل لو حقيقي
وبتقلي خالتي لو ما قلتيلها تنادي ما كان صار هيك هي مطت حالها قبل
و كلنا مصدومين و هيك وانا بفكر او اول بنت الها و شو حيصير فيها و هيك

و بحس موتها متل الحقيقة يعني وقت فقت حمدت الله انو منام

و بعدها بشوف نسرين بتفوت عالحمام عنا كأنها بتتحمم
وبتطلع لابسة بس الداخلي وبتركض لتلبس ملابسها
وبقلها كيف لو طلع ادامك اخي مو انا يعني مو لازم تطلعي هيك قصدي


و بس

و خالتي اسمها بسمات و بننتها نسرين ظروفها شوي صعبة مع زوجها
يعني هالفترة متضايقة شوي

و بس
وانا بنت 18 سنة و الله يجزيكِ الخير يا رب
قلتلها لا
وبفكر انو لازم نضف

التاني ما شفت فيه دم يا ماما
قالوا انها كلها دم بس انا مشفتو