حمام وحفلة وكوافير

مرحبا ماما نجية

كيفك ان شاء الله بخير
شفت اليوم منام ويا رب خير

بشوف بالبداية اني بكون بدي اتحمم
و كأنو صاير عيد او هيك شي
بس بلاقي اخي متحمم قبلي ومعد في ماي سخنة
والكل عم يلبس بقلهن ما فيني روح هيك
بروح عالمطبخ بفتح الماي بلاقيها دافية شوي
بفرد شعري وبحممو وبلاقيه أطول حتى من الحقيقة بشوي
وبعدين بدبر حالي وبتحمم ومو متذكرة كيف تمام

بعدين بشوف اني بلبس بنطلون كحلي وبلبس معو كنزة فوشيا زهرية غامقة بس قديمة
بقول مو معقول روح فيها وهي قديمة
بقوم بلبس كنزة يا أما سودا يا بيضا بس عالأغلب بيضا ومفتوحة شوي ناح الصدر والضهر وحلوة

وبعدين بشوف اني بحفلة بنت خالي بسمات بس كأنها صايرة بمكان كبير مو بيت متل فلا أو متل ساحة بيت كبيرة وهيك
بس بشوف انو في كوافيرة عم تركز الشعر وبتجي عم تزبط لي شعري وهيك
وبشوف شعري أنعم من الحقيقة بفكر اني يمكن مسشورتو قبل
وهي عم تركز التسريحة
أول ما تعملها بشوف داعية بنعرفها بتقول للكوافيرة انو هيك حلو اتركيه هيك
بتقلها لا بركزو أكتر حتى يصير أحلى بس بحس الداعية عاجبها هيك وما بدها اكتر

المهم بشوف رجال قاعد بين كل النسوان كأنو مو غريب
بس بعرف انو مسؤول عن الكوافيرات وكأنو هو الخبير

بشوف الكوافيرة بتضفر شعري وبيطلع حلو بس ما بتخلص منو كأنو ما بيركز تمام
بقلها طيب حطي هاي وبعطيها متل حشوة دائرية مشان تركز التسريحة
بتقول انا ما بعرف حطها الخبير بيعرف
بقلها لا جربي انتي تحطيها
بتقول ما بعرف حطها خلص الخبير بيجي
بلاقي الخبير ايجا وانا عم اقلها لا ما بتعامل مع رجال وما بقدر وهيك
بقلها اتعلمي منو واعمليها لي بعدين
بتقلي اي
وبلاقي الخبير بدون اي كلمة بيرفع متل طاقية من ملابسي بيحطها ع راسي انو مشان متل ما اتضايق
وبيفرد شعري فوقها بس بلاقيه وهو عم يساوي شعري بيحط ايديه على ضهري وبحس فيهن خصوصي الكنزة مفتوحة
بقوم انا كتييير بتوتر بس هو عم يشتغل بهدوء وبلا كلام ابدا
وبعدين بيخلص بس لما يخلص بيطلع الموديل كتييير حلو

والبنات قرايبي كلهن لما يشوفوه بيعجبهن
وبيقولوا طالعة أحلى شي
وبعدين بيقولوا طالعة أحلى شي بين تنين او تلاتة < بقصد انو احلى بين كم بنت ما بعرف مين هنن تمام

المهم بعدين بشوف الحفلة فيها كتيير نسوان قرايب ومعارف
وبشوف وحدة بعرفها من المعارف اسمها هبة ف
بجي لاحكي معها ومعي امي
بتقلي شو صار عمرك بقلها 18 ونص
وبحسها بدها تعرف لتخطبني لابنها وانا بحس انو ما بدي
بتقوم هي بتصير بتحكي عن اخواتها الشباب
و بتقلها امي ما اتحسن اخوكي
بتقلها لا واخوه التاني نفس الشي صار معو
وبعرف كأنو صاير معو مرض سرطان او هيك شي
وبتقول انو الاخ التالت عم نقلو يخطب و هيك
بس ما بتجيب سيرة خطبتي بس بحسها عم تلمح

وبشوف بعدين بنت خالتي نسرين متزوجة
بتاخد حلقات حاتطها بادني لونها احمر
بتقلي لو بتحطي غير شكل بيطلع أحلى
بقلها مو راكز يعني ؟ بقلها عندي واحد متل ألماس < الماس بس موحقيقي
قالت اي بيجي احلى

و بعدين بآخر الحفلة بشوف خالتي بسمات بدها تروح وعم تبكي
بنقلها شوفي
بتقول انو زوج بنتها نسرين متخانق معها
و انو بعد هالحفلة قلها بتضلي عند بيت اهلك 10 ايام
وخايفة يصير طلاق
وبنفكر انو هاي تاني مرة بيصير هيك
وعم نقول الله يستر

وبس
و بنت خالي بسمات صارت حفلتها من فترة
وهبة عندها اولاد شباب بس ما عندها غير أخ واحد و متزوج
وهي بتحبني كتير وهيك

و بنت خالتي نسرين بالفعل صار معها من فترة شوية مشاكل
وبس وانا بنت 18 سنة والله يجزيكِ كل الخير يا رب