عرس في المنام

من طرف lura الإثنين 14 مارس - 13:17

مرحبا ماما نجية كيفك ان شاء الله بخير

شفت منام ويا رب خير
شفت بالأول اني بصلي يمكن قيام الليل
فتجي بنت خالتي علياء تقول بدي لحق الصلاة
تصلي ركعتين وتقول هي ركعتين مشان يوم عرفة
بقلها اي بكرا يوم عرفة
تقلي اي بس بلش من هلأ لأنوصار بعد منتصف الليل
وبقول معناها انا بصلي كمان
وبشوف اني بدي روح صلي بس ما بعرف صليت او لا

وبعدها بشوف بهالبيت يشبه بيتنا بس كأنو مو بيتنا
بشوف شباب قاعدين جنب طاولة واشكالهن كتير
بس بعرف انو كل واحد فيهن يشتغل شي وكلهن خبراء وهيك
وبتجي بنت خالتي علياء تقول انو لازم تصلوا بقى وهيك عم تنصحهن يعني

المهم بشوف بعدين اننا بحفلة ببيت
البيت مو كتيير كبير
معي بنت خالتي علياء وبشوف اختي وبنت خالي بيان
والباقي كلهن بشوفهن من معارف وبسلم

نجي نقعد وصح بشوف اني ايجيت مع ابي وابي فات مكان الرجال

بعدين بشوف فتحوا باب والرجال قاعدين فنحنا نصير بدنا نتخبا
بشوف بنت خالتي نسرين اخت عليا لابسة بدلة بيضا تجننن فستان العرس وبعرف انو عرسها
بس بشوفها قاعدة عالأرض بالصدر بغرفة الرجال وجنبها اخوالي أحمد وحامد
ومواجهها العريس بس بشوفها غير زوجها الحقيقي هلأ وأحلى أبيض واشقر
وبالمنام ما بعرف انو نسرين متزوجة اصلا
بقول لعليا شو العروس يوم العرس تطلع ادام الشباب
قالت هيك الظاهر

وبنقرا الفاتحة لتتم على خير
بعدين بشوف طلعوا شابين من الغرفة ومروا جنبي وجنب عليا
واحد شفت شكلو حلو ابيض وشعرو أسود والتاني يمكن فاتح وأشقر بس ما شفتو تمام
بيقول الي شعرو اسود النا ان شاء الله عقبالكن يا صبايا وهو شكلو مبسوط
وبيروح و عليا بتنبسط من كلامو وكأنها بتقلو وانتوا كمان

وبعدا بشوف انو بنروح انا وعليا وكأنو في عرس تاني
وبنطلع بناية ضيقة شوي ودرجها عالي وبعرف هالعرس لوحدة عالأغلب اسمها شذى
بس هي اتزوجت كمان بالحقيقة
ونحنا طالعين بقول لعليا يمكن نسيت شنتي بالعرس
بتقول يمكن كلها ما اخدتيها بقلها لا اخدتها وفيها الموبايل
وبشوف اني حاطة مناكير أحمر بس رايح منو شوي بس عادي مو متضايقة

وبس وشفت الحلم بعد الفجر ونسرين متزوجة وعندا بنت
و انا وعليا بننات وعمري 18 سنة وربي يجزيكِ الخير

حبيبتى انت هتزداد صلتك بالله وفيه اخبار حلوة هتعرفيها ان شاء الله اما نسرين ربنا هيرزقها بولد ان شاء الله اما الباقى اطغاث

عرس في المنام

عرس في المنام

رد: عرس في المنام