حلم لامي يا رب خير

مرحبا ماما نجية كيفك ان شاء الله بخير

امي شافت ابوها المتوفي بالمنام ويا رب خير
بتشوف قاعدة مع امها والكل
يرن الموبايل تشوف المتصل ابوها
ومعها موبايل غير موبايلها اكبر وأحدث بس عادي مو مستغربة
بتحاول ترد ما بينرد وبيضل عم يرن
بعدين بيدق عند خالتي ضياء بتحاكيه وبتهمس لستي وبتعطيها تحكي معو
بعدين بتقول امي شوفيه
بتقول ستي انو بدو يجي 5 ايام ويمشي وبدو يجيب غرض بس ما بيقدر يجيب للكل لهيك عم يسألها شو يجيب

بتقول امي بس خمسة ايام؟ بعد كل هالأيام بس هالأد
هي ما بتعرف اديه صرلو مسافر كأنو خمس سنين او ما بتعرف تمام
بتقلها ستي انو ما بيقدر اكتر من هيك حسب يلي قاعد عندون او المتكفلين فيه

بعدين بتشوف امي البيت منكوت بتقول خلونا نضل قبل ما يجي
بتشوف حالها بالحمام بعدها وبتسمعو بغرفتهو عم يلبس قميصو وينادي لستي
بتركض امي لعندو بتقلو بابا انت ايجيت ؟ بيقلي اي
بتركض عليه بتعانقو وبتحس حتبكي بس ما بتبكي
وعم تبوسو وبدها تبوس ايدو بس عم تبوسو وشو أول
وهو عادي يعني ما بتحسو مشتاق متلها
بس بتشوف أكتر من صحتو وقت اتوفى وشكلو حلو وحالق دقنو
وحتى بتشوفو لابس قميص سماوي ولما ينادي بتفكر أنو بدو يتحمم او شي لانو رجع من سفر
بس لما تعانقو بتلاقيه ما فيه شي عادي يعني نضيف وكل شي
وبتشوف متل في كنادر واحذية مصفوفة بتفكر انو لو جاب شي تاني معو بس ما بتعرف لو جايب شي او لا

وبتشوفو بالمنام عاياش ما بتعرف انو ميت وبتعرف أنو مسافر
بس بالواقع هو ما كان يسافر

وبس
وشافت المنام بعد صلاة الفجر وجدي متوفي من زمان من شي 23 سنة
وربي يجزيكِ الخير ماما نجية