منام بعد استخارة

مرحبا ماما نجية كيفك ان شاء الله بخير

عملت استخارة مبارح
مشان عم نفكر نبيع بيت ونحط سعرو بمشروع ببلد تاني
وعملت الاستخارة ونمت قبل صلاة الفجر ما شفت شي
رجعت صحيت ونمت بعد طلوع الشمس وشفت منام

بشوف انو انا وامي وأختي ماشيين كأنو رايحين عنادي الرياضة وهيك
(مع العلم أنو اليوم كنا بالفعل بدنا نروح وهو أول يوم)
المهم بششوف عم نمشي بنفس المدينة الي عايشين فيها
نوقف جنب محل كان يبيع أحذية ولادي
بس بنشوفو مغير
تقول امي شكلو فتح للملابس الداخلي
بقلها لا شوفي حاتط كنبايات شكلو فتح كمكتب
بشوف المكتب فيه كنبايات جلد لونها بني غامق
ونحنا عم نمشي جنبو فاتح محل كبييير واجهتو كتييير حلوة
فبيبيع أحذية نسائي وملابس نسائي
تقول أمي شكلو نقل هداك المحل لهون
بنجي بدنا نفوت عليه
نلاقي شباب ورجال واقفين
يقولوا هالمحل مسكر
بنقول كيف مسكر وواجهتو موجودة وهيك
بيقول الواجهة خلاها بس هو بعد ما فتح فلس وصار عليه ديون وما مشي
وبشوف واحد منهن حاتط كروت شغل منوعة عطاولة وعم يرتب فيها

بعدين بنروح بنلاقي كمان جنبو محل
بيشبهو للي واجهتو حلوة بس عأصغر
وكمان يبيع نسواني وهيك
بنجي بدنا نفوت عليه وبس

وانا بنت 18 سنة وربي يجزيكِ الخير ماما نجية
ومحتاج أعيد الاستخارة ؟