منام لخالتي

مرحبا ماما نجية كيفك ان شاء الله بخير

خالتي شافت منام ويا رب خير

بتشوف انها ببيتها بس كأنو المطبخ بيشبه مطبخ بيت امها وله واجهة عالشارع
بتشوف منها ستي ابتسام عم تمشي بالشارع بس لبسها غريب
لابسة خمارها بس مرفوع لعند اكتافها ولابسة معو كنزة سكرية وتنورة سودة
بتشوف الكنزة كأنها شيفون رقيق يعني كأنها مالها اكمام
ومبين منها ايدا اليمين من فوق من ورا شي شبر
ورجلها اليمين من ورا ركبتها لتحت شي شبر باين كمان
بتفكر ليش هيك لابسة مو زابط
وبتشوفها رايحة مستعجلة بس مشيتها كبيرة بس مستعجلة
بتزعل خالتي بتقول ليش ما قالتلي وانا قريبة منها لأمشي معها
بتقوم بتلحقها بدون ما تحس ستي

بتشوفها فاتت ع مطعم حمص وفول
وبتمد منشفة
بتعرف خالتي انو ستي واعدة امها مشان هيك ما خبرتها
وانو امها بدها تشوفها بمطعم بس ستي ما بتروح على مطاعم وانو لقت هاد أحسن من غيرو
بتشوف ستي قاعدة مع امها عم ياكلوا وبتعرف في شاب بدو ياكل معهن
وبتشوف صحن تالت بتقول هاد لمين ما بيردوا وبتاكل منه شوي صغيرة يعني نقرة
وبترجع خالتي لعند زوجها وبتقول مرة تانية معد خليها تمشي لحالها

وبس
وامها لستي متوفية وستي بتلبس بالعادة خمارها بس لعند اكواعها
ومع مانطو طويل اسود مستور
والله يجزيكِ الخير يا رب