السفر في المنام وحفلة

مرحبا ماما نجية كيفك ان شاء الله بخير

شفت منامين اليوم ويا رب خير

أول منام شفتو بعد صلاة الفجر
بشوف اني بالسيارة مع أبي
ورايحين ع مكان بس ابي يكمل ع مكان تاني
وهو بلد الأردن
انا بتفاجأ اني مو عرفانة انو حنروح لهنيك
وبفكر انو لازم شوف البلد منيح واعرفها

(ما رحنا عالأردن من قبل .. بس المكان يلي كنا بدنا نروح له هو نفس الطريق يلي بيوصل عالأردن وكنا نروح له من قبل)

بس بشوف ابي بيدور ع شي او بدو شي
وبشوفو تعبان يعني عم يروح ويجي بالسيارة وهو بدو شي بس ما بعرف شو
وبعدين بشوف متل امي بتقلو رجلك تعبت خلص وقف
بيقلها لا وبيكمل

بشوف بعدها اني انا عم سوق السيارة وبمشي بنزلة مستقيمة وبمشي بسرعة وعادي
مع اني بالواقع ما بعرف سوق ,. وبيقولولي طلعتي منيحة بالسواقة

وبس


المنام التاني شفتو بعدو
بشوف انو صايرة حفلة ببيت ستي ابتسام
ما بعرف لمين الحفلة
بس بشوف بنت خالي بسمات المخطوبة لابسة فستان اخضر ووردي يمكن
وبشوف ناس كتير ومن رفقاتنا وبكو قاعدة معهن وعم يصلوا
بجي بدي صلي بشلح مون رجلي بس بلاقي حالي لابسة جوارب سود بس لا بسة قصير وفوقو طوي
بفكر ليش مو لابسة الطويل بس
وبشوف بعدين الناس بتروح وبسلم عليها بس النسوان بلاحظ أغلبهن سمر وغربا ما بعرفهن
بعدين بشوف ابي ايجا
وبيفوت عبيت ستي
بس بشوف خالي حامد بيقلو استنا شوي
بعرف انو خالي احمد موجود وابي متخانق معو وما بيحكي معو
لهيك بقلو فوت ع هالغرفة بفكر ما فيها حدا
بيفوت ابي بلاقي خالي احمد فيها
انا بخاف يتخانقوا وتصير مشكلة
بس بشوف بابا سلم عليه عادي وخالي بشوفو انبسط

بعدين بشوف اني بدي البس بدنا نروح
وبدور ع خفافتي السودا وما بلاقيها فورا
بروح ع غرفة تانية بلاقيها وبلاقي معها كنادر تانية بعرف لماما
باخدهن وبقلها شوفي شو كنا حننسى منيح ما راحوا
ومو متأكدة لو شفت حالي بلبس خفافتي او لا

بعدين بشوف اني متل بعمل كروشيه بالصوف
بعمل متل كاب ابيض صغير بس مو موصول لسا قطعتين
بقول هاد منيح لابن عمي الصغير نور
بس بفكر يمكن صغير
تجي مرت عمي سلام بقلها يمكن صغير ع نور صح
تقلي لو تكمليه من هون ويبقى توصليه
وبشوف ابن عمي بس بفكر يمكن صغير ومع هيك بدي اوصلو
(وبالواقع بعرفا عمل كروشيه بس ولا مرة عملت كاب او هيك شغلات)

وبشوف بسلم عستي ابتسام وبشوف ستي سهام وبنت خالي بيان
وبنروح وبس

وانا بنت 19 سنة والله يجزيكِ الخير يا رب

............