رجل كبير وحفلة وصديقة قديمة

مرحبا ماما نجية كيفك ان شاء الله بخير

شفت منام غريب اليوم ويا رب خير

بشوف بالبداية اني بدي التقي بأخت صديقتي
وكأنها هي صديقتي وفعلاً بلتقيها ونعانق بعض وحتى هي تصور وهيك
بشوفها شعرها قصير وأسود وحلوة وأصغر من صديقتي عمرها شي 16-17 سنة
وبشوف صديقتي بس ما بعمل معا متل أختها
كأنو اختها هي صديقتي
(بالحقيقة صديقتي ما عندها أخت أصغر منها بهالعمر
وانا بتمنى التقي فيها لصديقتي وهي اسمها أروى بس هم بغير بلد وما يقدروا يجوا بسبب الحرب)

المهم بشوف بعدين اني بشوف صديقة قدييمة من أيام الابتدائية ما شفتها
اسمها يمنى
تقلي تعي معي
بروح معها بشوف اني ببناية بيتنا القديم من زمان وبعناه
نفوت عليها ونطلع ع سطحها
كأنو بدنا نشوف الإطلالة او هيك
ونحنا بنطلع الدرج بقلها نسيت خبر امي اني رايحة معك وما معي موبايلي

ونوصل للسطح نفوت عليه هي تروح فورا تتفرج عالإطلالة
بس انا بشوف رجل كبير قاعد على جنب والمكان عتمة
قاعد وكأنو يسخن شاي أو هيك وعمرو فوق ال50 أظن

انا بخاااف بقلها يمنى!
تشوفو وهي شكلها تخاف
ومشان ورجيه اني مش خايفة بقول السلام عليكم
وهو يمكن شايب بس مو عجوز أوي

بجي بدي ارجع بس بلاقيه صار قاعد جنب الباب
وبيقول خلونا ناكل أول
ويقلنا جيبوا الأكل من هنيك
ما بعرف اكل أو شاي المهم بحسو بدو يعمل شي وبخاف
بلاقيه كأنو بدو يقفل الباب ..
نجي نجيب يلي قال عليه وبفكر بعطيه ياه وبهرب فورا او برميه عليه
بس ما بلحق بلاقيه رماني عالأرض وهو فوقي بدو يأذيني
انا بخاف كتييييييير بس مع هيك بقول يا الله احميني ! وبعرف الله حينقذني منو يعني كان عندي ثقة ما حيقدر يأذيني
وبشوف اني لابسة بوطي الأسود والفضي وبفكر ادفشو برجليي بس ما بقدر
وبلاقي يمنى بعدتو او هيك بجي فورااا بهرب وبفكرها حتجي ورايي بس ما بتجي
وبهرب وبركض ويكون طريق الرجعة صعبة شوي حتى بطلع من البناية
وبفكر انو لازم جيب حدا لساعد يمنى وبكون خايفة عليها انو هي ساعدتني وضلت


بعدين بشوف اني فتت ع بيت ناس بعرفو
وصاير فيه حفلة
بشوف بنت اسمها ليلاس مخطوبة من جديد
وبشوفها مركزة شعرها بس لسا بتكملو وبتسأل شو رايكون أعمل هيك
وبسلم عليها وبقلها ان شاء الله الف مبروك وبسلم بحرارة وهي صغيرة عمرها 15
وما بعرف يمكن لسا ما تكون لابسة الفستان
بشوف اختها تيما اتزوجت من جديد ولابسة فستان أحمر طويل وطالعة حلوة وممكيجة حتى العروس ممكيجة
وبشوف اختها لينا كمان متزوجة وهلأ حامل
بس ما بشوفها حامل وبشوفها لابسة متل الفستان بس مو فستان
كنزة وتنورة لونهن أسود بس التنورة ع حدود الركبة أو أقصر
والكنزة فوق بطنها بشوي يعني يبين بطنها
بس حلو وبتكون ممكيجة وبسلم عليهن كمان
بس بحس لينا شوي جامدة معي

وبشوف نسوان بسلم عليهن بس لسا مو كتار لانو الحفلة ما بلشت

وبكون انا لابسة عالأغلب فستاني الوردي والأسود وبكون مركزة شعري وهيك

المهم بشوف بعدين بنت عمهن راما وهي مو متزوجة وبسلم عليها
وبشوف بنت خالتي عليا كمان مو متزوجة ورافعة شعرها
بقلها نسيت قول لامي اني اجيت لهون
حرو قلها ويمكن بابا حيجي وبنرجع

بتقول اي وبلبس وبروح


وبروح لعند امي بقلها وبيكون بابا لسا ما ايجا
ونسيت شو بحكي معها تمام

المهم بشوف بعدين كأني ببيت ستي
وبشوف بنت خالي بسمات
وهي مخطوبة
وبشوفها بتقيس فستان
لونو نيلي وقصير
بس كتير حلو وتكون لابسة تحتو كنزة سودا وكولون أسود
وبشوف خالتي بسمات وتقلها يمكن انو حلو بس لازم تلبسو وما بعرف شو تمام

وبس
وانا بنت 19 سنة شفت المنام بعد الضحى

والله يجزيكِ الخير