شنطه سفر فيها هدوم

من طرف Admin الإثنين 20 يونيو - 11:55

ازيك ياماما نجيه كل سنه وانتي طيبه معلشي ماما عملت عمليه من اول يوم رمضان تعبانه والحمد لله علي كل حال،،، انا حلمت ان احنا كنا قاعدين في مكان تقريبا مش شقتنا اللي قاعدبن فيها وان في واحد ومراته وبنته قاعدبن معانا وماما كانت كويسه في الحلم وانا كنت بقولهم انا عزماكم علي حاجات حلوه وكلمت الراجل بتاع الحلويات وطلبت لهم كوكتيل وحلويات وبابا كان معانا وبعدين لاقيت ماما بتقول للناس دي انا طلعت من جهاز اميره حاجات ليكي بتكلم البنت دي وانا زعلت وقولت لماما طلعتي ايه قالتلي ماتخافيش دي حاجات انتي كنتي عيناها في لبسك مستعمله قولتلها وريهالي وبعدين جابت شنطه كبيره لونها احمر الشنطه دي عندي اصلا عاينه فيها لبس جديد وبعدين قعدت تطلع منها وقالتلي اختاري وشوفي اللي انتي مش عايزاه طلعت فستان طويل جميل اوي هو مش عندي وكانت عايزه تديهولها قرلتلها لا ده علي ادي من فوق بس طويل بس عايز يتقصر قالتلي طيب قومي قيسيه قولتلها لا مش وقته الناس قاعده وبعدين اخدته عينته تاني في للشنطه ولاقيت فستان تاني مش عاجبني قولتلها خدي ده اديهولها ولاقيت بلوزتين بتوع اطفال صغننين وبزازات بتاع الاطفال اللي بتتحط ف بؤهم وتسكتهم دي بس لها كزا شكل جميل قولت للبت الحاجات دي بتاع اطفال ودول بتوع ملك بنت اختي كانوا بلوزتين وبزازات وماما حطت بزازه مرسوم عليها بيبي علي البلوزتين قولتلها هاخدهم لملك بنت اختي وباقي البزازات حطتهم في شنطتي تاني ومش فاكره في الحلم كانت بتتكلم علي فلوس وبتقول لا مش٣٥ جنيه دول ٤٠ حاجه زي كده بس كانوا ٣٥

حبيبتى الف سلامة لماما ربنا يشفيها ويعافيها وهى عملية ايه الف بعد الشر حبيبتى العام القادم ان شاء الله هتكونى ببيتك باذن الله حبيبتى الفستان الى البنت اخدته كان عريس وانت رفضتيه اما الفستان الى عاوز توضيب هو ده حسام والحمد الله انك اخذتيه وعندك بشرى بالخلفة الصالحة ان شاء الله يعنى هتتزوجى وهتنجبى باذن الله

من طرف Admin الثلاثاء 21 يونيو - 3:33

يارب ياماما يسمع منك ربنا ،، هي راحت لدكاتره وقالولها الحصوه لانها مكنتش بتنام من الوجع والمغص وبعدين واحد منه لله قالها هديلك حقن تفتت الحصوه وادالها حقن فتتت المراره انفجرت ف بطنها وكانت هتموت وازرقت وبقت تعبانه اكتر ودكتور تاني قالنا لازم عمليه حالا وبعدين عملها عمليه شالها المراره والصديد اللي ف بطنها الحمد لله علي كل حال

الف مليون سلامة لها ربنا يشفيها وطمنينى عليها

شنطه سفر فيها هدوم

شنطه سفر فيها هدوم

رد: شنطه سفر فيها هدوم

رد: شنطه سفر فيها هدوم

رد: شنطه سفر فيها هدوم