منام خطبة ...

من طرف lura الأحد 26 يونيو - 17:43

مرحبا ماما نجية

كيفك ان شاء الله بخير

شفت منام غريب ويا رب خير
ما بعرف لو اضغاث بس ما كنت بفكر بهيك شي

بشوف بالبداية اني بكون بمكان مش عارفة تمام وين
بس بسجل اسمي عند وحدة
تقلي بدي اسألك شي
بقلها شو
تقلي اخي بدو يخطب وبدي قلو عليكي شو رأيك
انا بتردد وبقلها ما بعرف شوفي أمي ليكها هنيك
وبأشر عليها

بعدين بشوف مقطع تاني
بشوف اني ببيت كبييير
وبشوف معي ناس يمكن قرايب
نفتح أبوابو ونضل نمشي ادام ادام
بعدين يسار وتحت آخر باب يكون فيه شخص ونمر
ما بعرف مين هالشخص بس نجي بسرعة نسحبو والنمر نايم وماسكو
ونسحبو ونرجع نسكر عالنمر

بس بشوف بعدين كأني بنفس هالبيت وبنفس لوقت يشبه بيت ستي ابتسام
بشوف كأني مخطوبة من شاب اسمو علاء ( علاء هو خطيب بنت خالي بسمات) !
بس بالمنام بعرف انو خطيبي مو خطيبها
وبكون قاعدة معو وبنحكي وبنضحك
بجي بطلع من الصالون وبروح ع غرفة ستي
بلاقي فيه بالونين ع شكل قلبين كتيير حلوين ولونهن احمر
بعطيهن لبنت خالي الصغيرة ابتسام وبنت بتقربنا صغيرة كمان اسمها لين
والتنتين حلويين
وبقلهن عطوهن لعلاء
يروحوا يعطوه ياهن وانا براقب من بعيد
لانو في رجال عنده وبشوف ابن خالتي مصطفى معو
المهم بشوف وقت عيطوه البوالين كأنو صاروا باقة ورد أحمر

وبشوف خالتي بسمات معي بالغرفة وبنتها نسرين

وبعدين بشوف وحدة اسمها رباح بحس كأنو هالبيت الها
وبشوف كأنو النمر طلع من الغرفة بس ما عمل شي

وبس

شفت المنام بعد الفجر
وما كنت بفكر بعلاء ولا بهيك شي
بس شفت صورتو مع بنت خالتي لهيك ما بعرف لو هاد السبب او لا

وبالمنام بكون مرتاحة معو مع أني ما بفكر فيه أبداً
وانا بنت 19 سنة وكنت بدعي الله يفرجها كالعادة ويحقق يلي بتمناه
وبس والله يجزيكِ الخير ماما نجية

حبيبتى فيه عدو لك بس ربنا هيبعده عنك وفيه دنيا جميلة وجديدة ان شاء الله وبسمة جميلة لك اما الباقى اطغاث

منام خطبة ...

منام خطبة ...

رد: منام خطبة ...