حلمت بجدتي المتوفيه

حلمت ان روحت بجدتي في بيتها ومنكنش حد موجود معاها انا وهي بس وهي جبتلي اكل عشان اكله وانا عماله اشكرها واقولها مش عاوزه اتعبك حطتلي اكل كفته وعيش وانا كنت جعانه اوي قعد اكل كتير وقالتلي اجيلك تاني ده الحله مليانه
ومحدش هنا بياكل انا هجبلك
وكنت عاوزه اطلع انده اختي تاكل معايا
بعد شويه ماما جت قعدت معانا هم كانو قاعدين بيتكلموا مع بعض وانا كنت باكل
ماما عايشه لكن جدتي متوفيه بقالها كتير ..

في حلم كمان ان كنا انا وبابا واختي حطين الاكل ع الترابيزه ومستنين ماما وكانت الساعه ٥ الا ربع وكان فاضل ربع ساعه ع المغرب عشان تاكل
تلسفره كان عليها فينو كتير اوي وجبنه ولنشون وبيض وحاجات تانيه كتير وعيش ابيض ..

حلم كمان معلش يا ماما
انا في الحقيقه جايبه قماش عشان افصله بقاله كتير عندي
حلمت ان بفتح الشنطه لقتها متفصله بلوزه فستعجبت اوي وندهت ماما واختي ازاي بلوزه انا مشترياه قمش ازاي اتصلت لوحدها بلوزه وكان بلوزه جميله كنت فعلا نفسي فيها قولت سبحان الله

انا عزباء وبدعي ربنا من سنين انه يجمعني بمن احب في الحلال ويصلح الحال