سقوط أطفال من السطح

مرحبا ماما نجية

كيفك ان شاء الله بخير

شفت منام اليوم ويا رب خير
بشوف بناية هالبناية كانت مواجه بيتنا القديم يلي تركناه
وهي بناية عالية وسطحها خطير لأنو مافيه سياج
المهم
بشوف بالمنام انو أطفال كتير على هالسطح
تقريبا 10 او 15 طفل واعمارهن صغيرة أكبر شي عمرو شي 7 سنين
وأغلبهن بنات يمكن في أولاد بس قليل

المهم بشوفهن بيقعدوا عالحافة ويجوا يرجعوا ويوقعوا !
وانا بتفاجأ وبتضايق كتير وبلاقي بنت تحط طفل او طفلة صغير شي سنتين ترفعها وتقعد وتروح توقع كمان
اطفال كتير يوقعوا وكأنو الباقي مو فهمانين انو المكان خطر وانو بيوقعوا وبيموتوا
وفي بنت تقعد بس توقع لادام عالسطح نفسو بقول الحمد لله ما رجعت لورا
وبنادي لأبي يجي يشوف وما بنعرف شو نعمل
وبشوف بنت صغيرة شي 5 سنين بتقعد وبتوقع وبتكون لابسة أحمر
بس بتوقع على شرفة بين كلها ماي
وتصير تبكي ووشها بالماي خفت تغرق
بعدين ترفع حالها وتبكي وهي قاعدة وتنادي لأمها وهي بتصرخ
انا بصرخ بقلها خليكي بمكانك لا تتحركي هلأ بنجيبك
بخاف انا انو تتحرك وتوقع من الشرفة كمان
بشوف ابي بدو يروح بسرعة مشان ينقذها
بس بشوف مرأة صاحبة هالشرفة تفتح نافذة وتمسك البنت
والبنت تعانقها وتكمشها بقووة وتصير تقول عمتي وهيك
والمرأة حتى تدمع عيونها وهي حاملتها وبتأثر انا من هالمنظر
بس بجي برجع بشوف السطح ما بلاقي أي طفل بقي وبعرف الكل وقع
وبزعل بقول هلأ ورا البناية كلها جثث!
وبشوف عالسطخ كلو متل أحذية وشبشب كتير وهيك
وبعرف انو هدول مو أول ناس بتقع وانو هالمكان لازم يتركز حتى ما يوقع غيرهن

بشوف بعدين اني ببيت ستي وبحكي لحدا شو صار بهالأطفال
وبرجع بدي احكي لغير كمان
بس بشوف بنت خالي بيان قاصة شعرها لفوق كتفها
وتاركة خصلة وحدة طويلة
انا بتفاجأ ومو فوراً بنتبه بقلها يا مجنونة ليش قصيتي شعرك!
تقول هيك ايجا عبالي بس الموديل حلو صح؟
بقلها اي بس كان لازم تفكري بالأول قبل ما تقصي
انا مرة خطر ببالي بس ما قصيت فكرت أول
وبشوف خالي أحمد أبوها ومتل كأنو عم يوافقني على كلامي

وبعدين بشوف ستي ابتسام وعندها ازواج بنات خالتي اسمهن زاهر وأنور
وكل واحد قاعد بمكان
تقلي حطوا ضيافة
تجي تحط صحن بزر وتقلي حطي متلو او هيك شي
انا برتبك كتير وما بعرف شو حط
بترجع بقلها ما عرفت
تقلي حطي بنفس الصحن بس قسميهن
وبجطهن بالصينية وبروح عالصالون تاخدهن مني بنت خالي الصغيرة ابتسام
وتعطيهن لبنت صغيرة من قرايبي وتجي لتوقعهن انا بعصب وبصرخ عليهن
تجي ستي بس تاخد من صحن شقفة فليفلة وتقلي هاي منزوعة كبيها

وبس
وانا بنت 19 سنة شفت المنام بعد صلاة الفجر
والله يجزيكِ الخير يا رب