منامين لأمي

السلام عليكم ماما نجية

كيفك ان شاء الله بأحسن حال

أمي شافت منامين ويا رب خير

بتشوف انها كأنها ولدانة من جديد بنوتة وبتقول عطوني ياها لرضعها
وبتشوف ستي ابتسام (امها لماما) ومو متذكرة تمام بس مدري بدها ترضعها أو تعطيها شي هي كمان (ستي للبنت)

وبتعطيها لماما بدها ترضعها
بتقول تيتة أنو ما لحقتي لسا لترضعي (انو لسا ولدانة جديد وما حتقدر ترضعها يعني ما في حليب منيح وهيك)
تقول أمي ولو شوي معلش

وبس

المنام التاني

بتشوف انها كأنو جوا بيت عمي مهند وعندو اغراض بدها نشوفهن
بعدين بننزل وطريق بيكون هو نزلة وعليه تلج وبنركب بالسيارة
بيمشي بابا شوي بالسيارة بتزحط شوي وبنقول حتقلب السيارة
وبتشوفها ماما عم ترجع لورا ومتل بنخاف ومرعوبين وبنصير بندعي الله وبنقول يا رب
وبيكون مع أمي أخي كريم ومعها بنت صغيرة بأيدها بتعرف انها بنتها (وهي ما عندها بنت صغيرة هلأ) بتقلنا امسكوها وهي ماسكة كريم يمكن
بتشوف السيارة بعدين عم ترجع وترجع متل عالواقف وآخر شي بيمشي الحال ومتل صارت كأنها بأعلى البناية
وبنقول الحمد لله مشي الحال وبيجي ببالها كيف بدنا ننزلها وابوابها بتكون مضربة وبتقول بس والله بدها تصليحة ماكنة
بس الحمد لله ما بيصير لنا شي

وبس

وعمي مهند بدو يسافر خلال شهر ان شاء الله
والله يجزيكِ الخير يا ماما