حلم.... ارجو تفسيرة

انا شوفت نفسي ماشيه في مكان وكنت حامل وعايزة اولد بس خايفة الناس تشوفني وكنت بستتر منهم وكان طريق مخيف وضلمة بس في الخر علي ما اتذكر إني ولدت من غير ماشوف الولادة والمها وكده. وخلفت بنت وكنت خايفه الناس تعرف وفي واحده انا حطيت البنت عندها.
وده حلم تاني مكمل الاولاني اني لقيت نفسي ماشيهفي مكان زراعي وفيه بيوت وكان النهار طالع وكان في قطعة ارض وجمبيها بيت وانا كان نفسي اشتريها هي والبيت.. وبعدين شوفت جامبيها بحر شكله مخيف فخفت وقررت اني ما اشتريهاش.. وبعدين وانا ماشيه شوفت بيت تاني حلو عجبني وقررت اخدة.. ولقيت نهي بنت عمتي واقفه هي وبنات تانيه بتتكلم وبتضحك. وزي مايكون كان عند بيت عمتي زي مناسبه وبيعملو اكل وانا وماما كنا بنساعدهم. وكانت اخت جوز عمتي سعاد. وعمتي فاطمه وجوزها عبد الله موجدين ويجهزو اكل وماما كانت بتساعدهم وبتعمل اكل في الفرن بس الغريب انها دخلت الفرن ده وقعدت تعمل حمام ميه جواه انا مش عارفه ده إيه.. وانا دخلت الحمام ولقيت يتسر ابن عمتي ومراته بيبولي من حاجه زي مرايه وانا في الحمام..
غنا اسفه اني طولت وحاسه ان احلام متلخبطه ياتري ليها تفسير ياماما
ملحوظه انا كنت مكتوب كتابي وماحصلش نصيب.. وفي واحد تاني متقدملي وانا بخاف في الحقيقه من البحر.. وعندنا مشاكل في حياتنا وهموم خاصتا امي. وانا خايفه عليها.. وانا بردو مريت بمشاكل نفسيه وصحبه وصعوبه في موضوع الزواج
مع الشكر

حبيبتى الاول انت حاملة هم كبير لكن ربنا هيسر امورك المتعسرة وهيفرجها عليك وهترزقى من حيث لاتحتسبى ان شاء الله اما التانى فيه حبة مشاكل وحيرة لكن ان شاء الله ربنا هيسر امورك وهترزقى السعادة باذن الله

حلم.... ارجو تفسيرة

حلم.... ارجو تفسيرة

رد: حلم.... ارجو تفسيرة