معلمة قديمة في المنام

مرحبا ماما نجية
كيفك ان شاء الله بخير

كل عام وانتي بألف خير وينعاد عليكي بالصحة والسلامة

شفت اليوم منامين ويا رب خير
الأول حارسلو عالخاص لانو محرج

والتاني هو
بشوف اني ببيت ستي ابتسام
وجاية معلمة قديمة كانت تجي لعندي
اسمها ريما وانا من زمااان ما شفتها ومشتاقتلها كتير
وبعرف بدها تجي تدرس بنت خالي ابتسام يمكن
المهم بتجي انا بستقبلها عند الباب وهي وقت تجي بتسأل وين اخوات لجين
بقلها انا لجين ! وبسلم عليها بحرارة وهييك
وبشوف وراها بنت عمرها شي 10 او 11 سنة ويقولوا انها بنتها
ومو متأكدة بس يمكن تقول اسمها سارة هيم بتذكر

تجي بتفوت وبتقعد وبتضل بحجابها
انا بلاقيها شوي متغير شكلها
وبعدين بلاقيها اخدت كتاب بعرف لأخي كريم
وتبلش تصحح فيه تقلي انتي بتنتبهي عأخوكي شو بيكتب وهيك
بقلها هدول آخدهن جدد وهو ما بيحكي شو عم ياخد فورا بيكتب
بس بتكون بتصحح والأغلب بيكون صح

وهي قاعدة المعلمة يجي يفوت أخي أحمد عمرو 20
انا بقول شو فوتو!
وبشوف بنطلونو نازل شوي انا بستحي
والمعلمة تتفاجأ هو يرجع يطلع وعم يرفعو

بشوف بعدها ستي ابتسام
تقلي قولي لخالك أحمد يجيب كيسين سبيرتو (معقم)

بجي بروح بلاقيه بياكل هو وخالي حامد
بسلم عليه وبيبوس كتير وحتى بحسو بيبوس بقوة
انا بععد عن آخر بوسة ما بخليه

وبعدين بشوفو بيروح جنب الغرفة يلي قاعدة فيها المعلمة
وبيقول بصوت عالي شو عمرها
بقلو وطي صوتك!
بيقول شو فيها بسأل بوشها
وبلاقيه فات قعد مواجهها وبيسأل شو عمرها وشو اسمها
انا بتضايق كتيييييير
وبروح بقول اذا ضل هيك معد تجي المعلمة
بقول لخالي حامد شوفو
بيقول خلص اتركيه
بيجي بيطلع خالي أحمد
بتشوفو بنتو بيان
وبتعترض ع فعلو
وبتقول اي انا ولية أمرك او هيك شي

وبس
والمعلمة ريما ما شفتها من وقت كنت صغيرة
وهي معلمة انجليزي وكانت منيحة وبحبها
وما بعرف لو عندها بنت
هي من زمان اتزوجت واطلقت وما كان عندها أولاد
بس هلأ ما بعرف
وانا بنت 19 سنة والله يجزيكِ الخير يا رب