منام لعصفور أزرق

مرحبا ماما نجية كيفك ان شاء الله بخير

شفت منام اليوم مو متذكرة كل تفاصيلو
بس متذكرة مقطع منو ويا رب خير

بشوف اني حاملة بيدي غصن شجرة صغير
يكون في عصفور سماوي وأبيض بيطير من نوع العاشق (نوع من الببغاوات)
ولونو فيه أبيض منيح والسماوي فاتح
يجي يحط عالغصن ويوقف عليه انا بنبسط فيه
بس يروح يطير
ويجي بعدو عصفور متلو نفس نوعو ونفس شكلو
بس كبيييير بحجم الحمامة
يوفق عالغصن ومن حجمو الكبير يميل الغصن بأيدي
بفكر معقول هاد نفسو
وبعرف انو أمو وعم يدور عليه

ويمكن ترجع تطير هي كمان
وبكون بدور عالأول وبلاقي ريشة كبيرة بعرف انها منو
وبكون بدور عليه ومش فاكرة لو بلاقيه بس هيك

وانا بنت 19 سنة والله يجزيكِ الخير يا رب

اه صح يا ماما بتذكر اني شفت بعدين متل فتحات بتظهر بغرفة وبيطلع منها فيران صغيرة كتيرة
وكأنها بتهرب من شي أو بتلحق شي مو متأكدة نسيت تمام