امتحان و كافتيريا

حلمت انى ف سيكشن ف الجامعه او مدرسه و عندنا امتحان بس كان فوضى و الناس عماله تهزر و تتريق عشان الامتحان رخم انا خلصت الصفحه الاولى من الامتحان و متهيألى كان امتحان جبر و مكنتش واخده بالى ان ف صفحة تانيه اصلا بس خدت بالى من الطلبه حواليا واعدت اقولهم انا مكنتش عارفة ان ف جزء تانى ف الامتحان بس ده انا لسه هبدأ ف الجزء الثانى وكل الطلبه كانت بدأت فيه و الجزء التانى ده كأن كأنه امتحان هندسة و كان الطلبه ماسكين براجل و بيرسمو اشكال هندسيه و دوائر و انا كنت بهزر و بضحك زيهم لكن من جوايا مضايقه انى مش عارفة أحل و انى متأخره عنهم و خايفه مخلصش و ف ورق اجابه بتاعى كنت بدور عليه والدنيا كانت لغبطه خالص ف وسط كل ده ولد كان زميلى ف الحقيقه و لحد دلوقتى احنا صحاب خلص الا متحان قولتله انت خلصت قالى اه قولتله طب استنانى تحت بعد ما سلمنا الورق و الامتحان الملغبط ده نزلت تحت و كلمته قولتله استنانى عند الكافتيريا قالى ماشى استنينى هناك عشان ماما قصده مامته يعنى عايزه مش فاكره الرقم الى قالهولى ثلاثين ولا ثلاث آلاف المهم حاجه فيها رقم 3 اتقابلنا انا و هو عند الكافتيريا و كان ف جيبى موبايل لونه فضى عامل زى موبايلات زمان بس صغير اوى لدرجه انى طلعته من جيبى بصعوبه و ادتهوله قالى كويس انك محافظه عليه عشان ده بتاع ماما و كان لابس ف الحلم قميص لبنى حرير و كان واسع عليه شويه
انا انسه ملتزمه الحمد لله