منامين لأمي

مرحبا ماما نجية

كيفك ان شاء الله بخير
امي شافت منامين ويا رب خير

بتشوف بالأول
انها كأنها عروس ولابسة بدلة بيضا
وبابا هو العريس وبتعرف انها متزوجته من قبل
وبتشوفنا بس عادي ما بتستغرب

وبتشوف كأنها بدها تفوت عالحفلة
والبدلة شاحطها معلق بكبسونات
وبيكون في بالحفلة موالدية لتنشد
وبدها تجهز زفة للعروس
بتكون امي بدها تفوت بتلاقي مو مجهزين بترجع
وبتجهزها بتفوت امي وبتقعد
بس الموالدية بتنشد انشودتين تلاتة وبتروح
امي بتتضايق بقلبها انها ما لحقت
بتقلها وحدة انك تأخرتي بالجية لل10 إلا ربع لجيتي

بعدها بتشوف حالها امي انها مع المعازيم وعم تسلم عليهن وبس



المنام التاتي
بتشوف حالها انها ولدانة وكأنو بتعرف انو بيتها بس غير شكل بيتها الحقيقي
بس بتشوف غرفة نوم حلوة ويمكن لابسة قميص نوم سكري ع بياض
وبتشوف أبي جاية ومعه كراتين كأنو فيها ادوات كهربا
وعم يساعدو خالي أحمد وبيكون معو خالو معتز
بيقلها أبي هاي جبنا طلبية جديدة
بيقولها وهو عم يضحك وقصدو صالح خالي وجايبو لعند أمي
بتشوف امي خالو أحمد وهو لابس طقم وبيضحك وامي بتضحك بس ما بيقربوا على بعض
وبتشوف انها بدها تقوم وبدها تلبس شحاطة متل الكندرة
لها كعب ولونها احمر ومقطعة من ادام وحلوة
بتجي بدها تلبسها بس رجلها ما بتكون متوازنة وما بتعلق
فبتسمكها امي بأيدها حتى تفوت وبتفوت فعلا وبتقوم
بس بتحس دايخة بعد الولادة
وبس

وامي متخانقة مع خالي أحمد هي وابي ولسا ما اتصالحوا
والله يجزيكِ الخير يا رب