منام لبنت صغيرة وذهب

مرحبا ماما نجية كيفك ان شاء الله بخير

اليوم شفت منام ويا رب يكون فيه خير

بشوف بالأول اني عند بيت ستي سهام
بشوف اني بكون نايمة ويصحوني مشان نروح نبارك لمرت عمي بولادتها
انا بقوم وبركب بالسيارة وبقول مو معقول شو صايرة بنام كتير
بعدين بشوف وصلنا
بلاقي درج لتحت وعليه ناس كتييير
أشكال لبسهن سيء وكأنو فقرا أو نازحين
انا بنزل بينهم
وبنزل اكتر وأختي أو أمي تنادي لي تقلي من هون
مكان قبل بجي برجع بدي اطلع بلاقي متل وحدة يمكن بتمسكني من مانطوي او هيك مو متذكرة تمام
المهم بطلع وبفوت بدخلة
وبنفوت ع بيت أنو كأنو بيتها لمرت عمي أو بيت أمها

بشوفها هي واسمها سلام
وبشوف امها بسمة بسلم عليها
وستي سهام
وبشوفها جايبة بنوتة صغيرة تجنن
انا بعرف انها ولدانة من كم يوم
بس بشوف البنت عمرها أكبر ومعالمها واضحة
بيضا وشعرها مايل للأحمر وحلوة كتير
والبنت بتمشي وكأنها من جديد متعلمة المشي

وبشوف مرت عمي سلام قاعدة وحاطة جنبها دهب كتيير
أساور وخواتم وهيك زي تلة جنبها
وبشوف بنتها تمسك خواتم وتلعب فيهن وتجي لتحطهن بتمها
انا باخدون وبرجعون ع مكانهن بخاف تبلعون وبيكونوا 3 خواتم دهب وحلوين
تقلي مرت عمي ليش أخدتيهن بقلها لأنها خواتم يمكن تبلعهن وصغار وتقلي مزبوط
تجي تاخد البنت اسوارة تقول مرت عمي اي هاي ما بتقدر تبلعها

وبس هيك
ومرت عمي مسافرة ع بلد بعيد وعندها شوية هموم
وهي مو حامل
وانا بنت وعمري 19
وشفت المنام قبل الظهر بشوي
والله يجزيكِ الخير يا رب