منام لأمي

من طرف lura السبت 17 ديسمبر - 23:58

مسا الخير ماما نجية

يا رب تكوني بخير وأحسن حال

ماما شافت منام ويا رب خير
بتشوف كأنو صايرة حفلة ببيت حدا من قرايبا بس ما بتعرف مين
بتشوف بس كأنو الحفلة خالصة والكراسي مصفوفين
وتجي تيتة تطلب منها مساعدتها بالتنضيف
تحس أمي كأنها صغيرة متل وقت كانت بنت
بس بتشوفنا نحنا بناتها معها
وبتعرف انو الحفلة بتخص بيت خالها بسام

بتقول قوم ننضف
وامي بتسمع صوت بنات خالها بغرفة تانية عم يحكوا
بتجي خالتي ضياء بتقول لتيتة ليش ما يقوموا ينضفوا هنن وهالشي خاص فيهن
تقول أمي فعلا ليش ما يقوموا هنن شو شايفينا شغالات نحنا
وبتسألها مين نضف قبل الحفلة
تقوي ستي أنا شطفت البيت كلو مع خالك بسام وحدا تاني
تقول أمي انتي شطفتيه كلو؟ تقلها أي وامي تتضايق مشان هالشي

بعدها بتشوف أمي انها عم تمسح بيرو عليه رخام بغرفة نوم بهالبيت
ولما بيحسوا بنات خالها انو ما قاموا يشتغلوا بيقوموا هنن وبينضفوا

بعدين بتشوف متل سرير طوييل ومصفوف عليه كلو 5 بيبي
لابسين وحاطين طواقي ع راسهن وأغلبهن يمكن صبيان
تقول أمي لمين هدول
وبتشوف 3 اتنين منهن توأم وواحد أكبر شوي
بيقولولها لبنت خالتك نسرين
وما بتعرف الباقيين لمين

بعدين بتشوف نسرين كأنها عم تلبسهن
بس بتشوف أنو رجليهن أكبر من عمرهن بكتير

بعدها بتشوف ستها نازك (وهي متوفية بس بالمنام ما بتعرف انها متوفية)
وبتكون واقفة جنب واحد من البيبي تبع نسرين
وكأنها خايفة عليه كيف بدو يتلبس وهو صغير وهيك
تجي أمي تقول عادي بيتلبس هالولد حتى انا بقدر لبسو وما بيصير له شي
وبعدها تشوف خالها ميسون عم تسلم وتقول أهلا وسهلا منيح شفناكون ومبسوطة فينا
وتيتة تقلها قلتلهن يجوا يغيروا جو
بتقول أمي لا منيح أيجيت شفت نسرين الي زمان ما شفتها

وبس

ونسرين مسافرة من زمان وخالة ميسون مسافرة
والله يجزيكِ الخير يا رب

حبيبتى فيه مناسبة حلوة عندكم بس هيحدث فيها حبة كلام وهيجمعوا الاهل والاحبة فى تلك الحفلة ان شاء الله

منام لأمي

منام لأمي

رد: منام لأمي