حفلة وصديقات قديمة

مرحبا ماما نجية كيفك ان شاء الله بخير

شفت منام اليوم يا رب خير

بالأول بشوف ان الباب يندق بجي بفتحو بشوف بنت صغيرة ووراها وحدة وواحد
بصير فورا بدي سكرو
بلاقي البنت يلي وراها ضخمة تدفش الباب وبأيدها سكينة كبيييرة
وتهجم علي تجرح ايدي من ناحية معصمي ناح الوريد وينزل دم بس مو كتير شووي بس الجرح منيح
بجي انا بهجم وباخد السكين من ايدها وآخر شي بشوف كأنو بيت خالتي ونطلع عالبلكون
وبرجع بفوت وبسكر البلكون وبقفل عليها معد قدرت تطلع

وبس هيك

بس بعدين شفت منام هو الأغلب لحالو مو مع الأول ويمكن مقطع تاني مو متأكدة

المهم بشوف صايرة حفلة ببيت خالتي بسمات
بذكر يمكن بشوف بنت خالتي عليا وخالتي
وبشوف بنات صديقات من وقت كنت صغيرة
جايين عالحفلة
ووبتذكر منهن نورا وشهد ورغد
بشوفهن طبعا نفس أشكالهن وهني صغار
نورا يمكن أكبر شوي

المهم بشوف اني بحكي مع نورا وكلنا مجتمعين ومبسوطين
وتقول شو رأيكن لو اجتمعنا كلنا ليوم كامل وبنتغدا شرحات دجاج مشوية
بقلها اي والله كنت بفكر نجتمع وهيك
تقلي بكرا الجمعة نجتمع
بفكر بكرا الجمعة انا فكرت بعد كم يوم بس هي فورا بدها
بفكر انا هيك تمام إذا بابا ما بيقدر ياخدني بنام عند بيت جدتي قريب وبطلع فورا
تقول نورا نجي من بكير من 8 او 10 الصبح ونضل للمسا
بقلها اي تمام

وبكون بفكر اخد رقمها وهيك
وبس

وصديقاتي ما شفتهن من زماان
وانا بنت 19 سنة والله يجزيكِ الخير يا رب