منام عن طفلين وحفلة وبنت حلووةة

مرحبا ماما نجية

كيفك ان شاء الله بخير

شفت مبارح منام ويا رب يكون خير

بشوف بالبداية انو معي ولدين صغار
بعرف انهم أولاد بنت خالتي نسرين
وبعرف انها ولدتهن من جديد يعني أعمارهن يومين أو تلاتة
بس بعرف انو واحد أكبر من التاني
وشكلهن أكبر من عمرهن

المهم بيكونوا معي بس معذبيني كتييير وبنكون بغرفة أخي أحمد ببيتنا القديم
بحطهن أول شي على سرير واحد منهمن يضل يتحرك حتى رح يوفع وبمسكو بآخر لحظة
وبلاقيهن بعدين ماسكين سكاكين كبييرة ورح يأذوا بعض
باخد السكاكين منهن وبكون خايفة علييهن
وبشوف أخي أحمد قاعد عالسرير بقلو قيم السكاكين حتى ما يرجعوا ياخدوهن
وبكون تعبانة منهن وهيك حتى آخر شي بشوف حاملة الاتنين بأيدي
وعالمقلوب يعني راسهن تحت ورجليهن فوق
وبعطيهن لنسرين أو لخالتي بسمات مو متأكدة
وبقلهن كيف عذبوني ورح يأذوا بعض

المهم بعدها بشوف صايرة حفلة ببيت خالتي بسمات
بشوف في بنت جاية بعرف انها من قرايبنا اسمها رغد
وبشوفها حلووووووووة كتيير
من عمرنا تقريبا وتكون لابسة فستان زهري فاقع
وشعرها أشقر وبيضا وعيونها متل عيون الغزال ولونهن خضضر كتيير حلوين حتى الأخضر مشع
المهم بتكون معها بنت خالي بيان
ويقولولي فيكي تفوتي عالغرفة هون فيها خالو غسان وتقوليله يجي يسلم علينا
بفهم انو مستحيين يفوتوا عالغرفة
وانا بعرف اني فتت من قبل وسلمت
بجي بدي فوت قلو بعدين بغير رأيي وبقلها بس مو معقولة يمكن هو يستحيي يطلع وهيك
تقلي بيان خلص نحنا بنفوت

بعدها بشوف هلغرفىة فيها خالو غسان (وهو خال أمي)
ومعو مرتو واسمها مرام وبشوف ستي ابتسام معهن
وناس تانية

المهم بشوف خالتي بسمات بتكون بدها تفوت تسلم
وخالتي ضياء تكون جوا الغرفة يقول خالي غسان متل مدح لخالتي ضياء
كأنو بسببها اجتمعنا أو هيك شي مو متأكدة
فخالتي ضياء توقف ومتل تعمل حركات رقص وقصدها مزح
فخالتي بسمات تكون فايتة ولما تشوفها بترجع وبتنزعج وبتقول :هاه بلشنا هلأ
وقصدها انو بلشت خالتي تلفت الانظار عليها

نحنا نتفاجأ من تصرف خالتي بسمات وبقشوف قاعد خالي أحمد وخالي حامد
وبقول اي شو صار حتى تعمل هيك
وخالتي ضياء تتضايق

برجع بشوف خالتي بسمات فايتة لتسلم وهيك
وتقعد فبتجي خالتي ضياء توقف جنبها وقصدا تعيد الرقصة

انا بتفاجأ كيف خالتي ضياء عملت هيك بس تجيني الضحكة كمان

بعدها بشوف الناس بدها تروح
وبشوف رجل قام بعرف من قرايبنا بس ما بعرف شو بيكون
كبير بالعمر وطوييل وشعرو أسود
يجي يسلم عالناس ولما يجي يسلم علي يبوسني كتير وانا عادي بسلم عليه أنو يقربني
وبعدها بشوف وحدة من قرايبنا اسمها هنا وهي حلووة تسلم عليي
وتجي بعدها رغد بدها تسلم (هي تشبه بالمنام هنا وأحللى كمان)
تجي تسلم عليي وبدها تروح بمشي معها وبقلها إذا ما عندك مانع رقمك مع بيان إذا باخدو وبصير بنحكي
بتقول أي أكيد ما عندي
تروح رغد وتقلي أختي ماسة ليش ما أخدتي رقمها فورا
بقلها اي شفتيها مستعجلة

بعدين بشوف بفوت عالمطبخ عند خالتي بسمات
وبشوف في صحون مصفوفة بدها تنضيق
بس مصفوفة بشكل حلو وكتيرة
بلاقي خالي بسمات بدها تنضفهن
بقلها انا بنضفهن خالة
وبالفعل بصير بنضف

بعدها بشوف اني عم اسأل وين عليا بنت خالتي بسمات
بشوفها قاعدة بالبلكونة ولابسة كنزة ملونة وومخططة كل خط لون وكتييير مكشوفة
يهعني صدرها وضهرها واكتافها مكشوفين
تجي تشوفها ستي ابتسام تقلها ارفعي كنزتك شوي (قصدها ارفعي على صدرك استري)
تقلها عليا لا ما بدها عادي
و كأنو قصدها عادي ادام اخوالها وهيك
بجي انا لعندها بقلها فلا البلوزة كتير مكشوفة عليا
تقلي لا وقفي على جنب وشوفي كيف ساترة
بقلها على جنب اي بس من ادام لا كل شي حيبين بعدين بقلها بس ولو شوي ارفعي
وتقتنع وترفع شوي بس

وبس هيك

وبنت خالتي نسرين حامل بصبي وعندها بنت قبل بس
وما عندي قريبة اسمها رغد هي مو موجودة بس بالمنام كأنو حقيقة موجودة
وخالو غسان مسافر مع عيلته
وبيان وعليا بنات
وبس هيك

وانا بنت 19 سنة والله يجزيكِ الخير يا رب

صح شفت المنام بعد طلوع الشمس