صديقتي مريضة بالمنام

مرحبا ماما نجية كيفك ان شاء الله بخير

شفت منام على صديتقي ويا رب خير

اسمها نور
وبشوفها قاعدة تعبانة ومريضة عالكنبة
بشوف وحدة من من معارفنا اسمها شاريهان
بتعملها زنجبيل للشرب وانا بجيب ماي لأضيفها له
تجي شريهان ترفع الكاسة لفوق وقت بدي ضيف الماي
يعني فوقها وبفهم انها رفعتها حتى ما ينكب عليي
فانا بحط ايدي عليها حتى ما ينكب على كتفها كمان

بعدين باخد الكاسة لنور
وبتبلش تشربها
بقلها اتحسنتي
بتقلي أحسن شوي
وبكون قاعدة مواجهها
تقلي تعي اقعدي جنبي ( تكون قاعدة على كنبة ثنائية)
بقعد جنبها بس مو مقربة كتير
وبرجع بسألها اتحسنتي تقلي أحسن
وتقلي قربي مني
وبقرب شوي وبنبسط انها هيك قالت

وبس

والمنام يمكن حديث نفس ما بعرف
لأنو قبل بيوم كنت بفكر انها من زمان ما اتكلمنا
وكنت أنا دائما كلمها وهي ما تبلش كلام
فكنت بفكر ليش هيك بس بحط أعذار وبقول يمكن عندها ظروف
وصح اختي ورجتني صورة جديدة الها كأنها شوي تعبانة

وهي نور كانت مخطوبة واتطلقت من سنة
وبحس عندها هموم بس تخفي
وبس والله يجزيكِ الخير