منام لصديقتي

ان شاء الله تكوني بخير يا ماما نجية
صديقتي عندها سؤالين لحضرتك وشافت منام
وهاي رسالتها بكلامها

" اول.شي .. انا صرت كتييييييير احلم .. هيدا شي منيح؟؟

اسفة يا ماما نسخت الرسالة بس ما وصلت كاملة

المهم هي أول شي بتسأل انها صايرة هالفترة بتشوف أحلام كتير، فهالشي منيح؟

تاني شي هي بتخاف من شي يصير بالواقع وبتخاف منو كتير وشافت بمنام انو صار متل مو خايفة منو وبالتفصيل
شو معنى هالشي ؟

تالت شي منامها وهو بكلامها:

" فيه بنت بعرفها اسمها راما مل شفتها من زماان
حلمت اني شفتها بس ما عرفتها مين!
لأنها ما باين عليها كتير كبيرة هي المفروض تكون صف عاشر!
ووجهها كان مسمر كتير وقاصة شعرها ومتنانة شوي ووجها في حبوب شوي ومحمر
فقلتلها أنتي مين؟ (وكنت بشك انها راما)

قالتلي راما (بشد الميم)
قلتلها شو راما؟
قالتلي راما (رجعت شدت عالميم)
فعرفت آخر شي انها هيي وقلتلها اها راما!!
وبس
الو تفسير؟

__
وصديقتي صاحبة الرؤيا بنت وعمرها 18 والله يجزيكِ الخير يا رب