السلام عليكم ياماما.

ماما جوزى كان ليه فلوس فى شغله الشهر ده واتاءجلت وكنا مرتبين التزامات عليها.
وخالتى عملت عمليه فى عيونها وحلمت الحلم ده قبلها.

حلمت انى فى بيت وفيه خالتى اسمها (امل ) حتعمل عمليه وجسمها خاسس اوى وحماتها متوفيه كانت أعده على كرسى وجنبها ابنها جوز خالتى اسمه محمد لقيت والدى داخل عليا (بعربية اكل مكشوفه ادوار زى اللى بتبقى فى الافران للعيش وفيها سمك متنضف ومفتوح وفراخ وكل جزء فى حته والدور التانى جبنه تركى مرصوصة انا اخدت منه العربيه ووقفت على ترابيزه واعدت أكيس الحاجه كل حاجه فى كيس والسمك كان قشره واقع من التنضيف وكان مفتوح وبطنه متنضفه )ودخلت عليا ماما قولتلها انا كيست الحاجه لانها كانت مكشوفه، واتنقل الحلم انى فى مطبخ وصاحبة ماما اسمها ساميه بتعمل اكل فراخ وخضار وانا وقفت على الترابيزه وكان بينزل عليا الخضار من كتره وكنت بحاول ألمه علشان ميقعش هوه خضار متنوع حتى فى ألوانه.

انا بصلى الحمد لله وعندى بنوته ومغتربه مع جوزى وعندنا بنوته .