منام غريب شوي

مرحبا ماما نجية كيفك ان شاء الله بخير

شفت منام شوي غريب ومش عارفة لو أضغاث أو لا

بشوف أني بكون بالمطبخ وتمر وحدة محجبة وحلوة من برا ولابسة طقم يمكن أبيض أو فاتح
تشوفني تصير بدها تحكي معي
بفتح لها الشباك ( كأنو الشباك عالشارع مع أنو بالحقيقة عالي)
تجي تفوت تقلي بدي قلك شي بس أمك ما بدي تعرف
بقلها شو
تقلي انا شفتك بمنامي وخايفة من يلي شفتو
بشوفك بتقتليني أو هيك شي
بقلها بس هيك؟ وشفتيني وانتي ما بتعرفيني؟
تكون امي أيجت ومعها تيتة ابتسام يمكن
تضحك امي تقول مبلى بتعرفك
وبعرف انها تقربنا من بعيد
وبتقول امي انها كانت بدها تخطبك لأخوها من قبل
بس بعرف كأنو معد بدهن او هيك شي
وتجي تسلم علي تعطيني بأيدي شي
بيكون في ورقة فيها ما بشوف شو مكتوب
ومعها منديل فيه زي ملبس (لوز مبلس بسكر)
وفول مقلى

بشوف خالي حامد عم يحط أكل ويحطوا فول مقلى
بقول معناها عطت غيري كمان!
وبطلع الفول تبعي وباكلو مع اللبن وبيكون طيب وظريف

وبشوف بنت خالي بيان.. بتقلي مبارح كنتي بتحكي لي شي وما كملتي
شو كان بدك تقولي
انا بفكر وبعرف كنت بدي قلها سر بس بغير رأيي وبقلها نفس يلي حكيتو مبارح وبس

بعدها بشوف اني فايتة ع مدرستي القديمة بس غير شكل
أول ما فوت بشوف ولد اسمو عبد الرحمن كان معي من زمان
وقت يشوفني يمسكني وهو معصب ويقول لو بدك ترجعي عالمدرسة ليش ترجعي عالخامس
وبعرف انو كل هالسنين عم يرسب ولساتو صف خامس أو سادس
وبشوف عم اهرب منو بمتل بيت غريب وغرفو صغيرة
وعم روح بين الغرف لأتخبا وبدي لا شي حدا يساعدني
وبس هيك

والبنت يلي شفتها ما بعرفها بس حلوة وعمرها آخر العشرينات أو تلاتين
نحيفة وبيضا ولبسها مرتب
وعبد الرحمن من وقت كنا اطفال كان يحبني وانا كنت ابعد عنو وهو يصير يضايقني لهيك
ومعد شفتو من شي 7 سنين
وسمعت من جديد انو مسافر لألمانيا
وبس هيك
وانا بنت 19 سنة والله يجزيكِ الخير يا رب