عاوزة انسى الي كان خطيبي

بوسى 123 كتب:ازيك يا نرمين ..بصى انا حاسة بيكى انتى محتارة ومش عارفه افيدك ..طبعا المفروض انى اقول لك انسي الشخص ده خالص  وما تتكلميش معاه ولو عرف يقنع مامته يبقى ييجى تانى ويخطبك ..لكن انا عارفه ان النسيان مش حاجه سهله وخصوصا لما يكون عندك فراغ وما فيش حاجه تشغلى وقتك بيها او اصحاب تتسلى معاهم وما تفكريش كتير ..ده غير ان اﻻحﻻم  اللى بتشوفيها ملخبطاكى ومش عارفه تمشي ورا احﻻمك اللى بتقول انكم لبعض وﻻ تمشي ورا كﻻم العقل واﻻمر الواقع اللى باين منه انه هو مش بيفكر فى الموضوع بجدية ومش بيحاول يقنع مامته ...مش عارفه انصحك بحاجه غير انك تدعى ربنا ينور بصيرتك ويبين لك حقيقه الشخص ده و يرزقك بالزوج الصالح سواء كان هو الشخص ده او حد تانى ..ربنا يعينك

انوش سعد كتب:حبيبتى اكيد طبعا النسيان صعب بس صدقينى لازم تحكمى عقلك قبل قلبك
هوة لو متمسك بيكى اكيد هيعمل المستحيل ويخدك ويقف فى وش الجميع لامة ولا ابوة ولا اى مخلوق
حبيبتى يمكن اكون شديدة معاكى بس صدقينى هية دى الحقيقة
واذا كانت احلامك صحيح وهيرجعلك ودة كلة بامر الله عز وجل يبقى خلاص دة نصيبك وقسمتك
فية قصة بسيطة دايما بحطها قدامى فى كل حاجة
كان هناك شاب بسيط جدا وفقير جدا جدا فى يوم خرج من بيتة يبحث عن اى عمل لانة ميت من الجوع والعطش ومش لقى شغل خالص
وهوة ماشى لقى كيس اسمر خدة وروح البيت فتح الكيس وشاف فية حاجة غريبة قووى عقد من اللولى والمجوهرات اعد يفكر ويقول دة رزق من عند الله ياترى اعمل اية وخالى اية وهوة بيفكر ومش عارف يعمل اية سمع منادى بينادى على الكيس فطبع فكر كتير لحد ما وصل انة ودي الكيس لصحبة
ولمى راح الشاب لرجل طبعا تعجب الرجل منة وخصوصا لمى سالة انت عرفت اية فى الكيس قالة اة عرفت فتعجب الرجل وعرض علية مبلغ كبير من المال ولكن الشاب رفض
وقال انا جبتلك الكيس ابتغاء لوجة الله مش علشان عوز منك حاجة
وفاتت الايام وقرر الشاب السفر ليشتغل فى اى مكان بعيد
وللاسف المركب ال كان فيها غرقت والموج تاخدة وتجيبة خمس ايام ولقة نفسة على شط بلد والناس بتسالة كتير ومش عارف يجاوب غير على سؤال واحد انت بتعرف كتاب الله ممكن تعلمنى لمى لقوة بيقراء قران علشان ربنا نجاة وفعلا الناس حبوة جدا وبقى هوة العالم الوحيد فى البلد وقالو لازم نجوزة من عندنا علشان ميسبناش
ودور على بنت كويسة مالقوش غير واحدة يتيمة وتم الجواز فعلا ولمى دخلو فضل يبص على رقبتها كتير جدا
وطبعا زعلت البنت وقالت انة مش عوزها وخرجت ادام الناس
ولمى هوة خرج علشان الناس بتلومة قالهم انتم مش عارفين الحكاية
انا من فترة حصل حكاية وقالهم على موضوع الكيس وال حصل
وفعلا الناس شلوة وفضلو يحيو فية وقالو هوة انت بقى صاحب الكيس المردود دة كان ابوها يصلى ويدعى ان ربنا يرزقها بصاحب الكيس
وعاش الشاب وسط الناس امير متوج
يارب تكونى فهمتى ان عوزة اقول اية ولو ماعرفتى بلغينى وانا اوضحلك الامر تانى
ربنا معاكى ويقدملك كل خير يارب

آية الرحمن كتب:

نرمين يا حبيبتى , انا بمر زيك بنفس المشكلة خطوبة فشلت بعد سنة وشهرين , وافقت فيها على حجات كتير وحملت نفسى فوق طاقتها وقلت وايه يعنى طالما هو كويس ومحترم وحاسة ان جواه خير يبقى مفيش مشكلة.
لكن فى الاخر قالى سبب تافه انه مش هيقدر يكمل وغالبا اخته هى السبب , وكل اللى كان بيقوله ليا لو مش هنتجوز ايه المانع نكون اصدقاء وبيبعتلى رسايل ع الفيس وسعات ارد بغلاسة وقلة ذوق وسعات مردش خالص ,وكتير كمان بحلم انه رجع , وكل يوم بحال سعات اقول لو رجع هكمل معاه وسعات اقول لا هو غدار ومش هحس معاه بالامان
بس مشكلتى بردو انه اول حد فى حياتى وغلطتى انى اديته كل مشاعرى وصدقته .
الجأى لله واشغلى نفسك بشغلك الجديد ومارسة هواياتك واحضرى درس فى المسجد واعرفى صحبة صالحة
وخلى دعائك بالزواج من زوج صالح وبس وربنا يرزقنى واياكى وبنات المسلمين .

Admin كتب:

بصى ياحببتى انا من رايى تنسيه وماترديش عليه خالص عززى نفسك علشان يعرف قيمتك وتعالى على نفسك شويه هتتعبى اه ف الاول بس صدقينى هتنسيه والله وماتريحوش ابدا ولا تردى عليه علشان المفروض هو راجل وهو اللى يقول اتجوز مين وماتجوزش مين وكفايه عليه لحد كده حنيه منك وتنازل ويارب يفرح قلبك يارب ويبشرك بكل خير عاجلا امين