منام لأمي

مرحبا ماما نجية كيفك ان شاء الله بخير

ماما شافت منام اليوم ويا رب خير

بتشوف انها قاعدة مع عمها عبد الرحمن
وبتكون كتير مبسوطة معو ومرتاحة وقريبة منو
بتكون حتى مو لابسة برجلها جراب ولا شي وعمها نفس الشي
وهو بيكون عم يتطلع ع رجليها هي بتفكر ليش لا يكون شكلهن مو تمام
بعدين يتطلع فيها ويقلها ليش وجهك وعند دقنك منشور الحب متل الزعتر
بتقلو والله من الفورات وكلما فور بيصير هيك مع انو ما في شي كتير بس بفور من أي شي
بيهز براسو متل كأنو فهمان
وهي عم تحاول ما توضح له انه في شي مضايقها وهيك

بعدين بتشوف متل تيتة ابتسام ومرت عمها هنا وكأنو بدو يصير جمعة او حفلة
بتجي امي بتلبس تنورة سودا مع كنزا سودا تحتا وهو طقم حلو كتير
بتقول لتيتة شو رأيك
بتقلها تيتة لا ما عم حب الكنزة عند الخصر بيطلع بطنك
بتقول امي بس ما في بطن كتير
وبالفعل بتشوف ما في كتير
بتقول لمرت عمها هنا في بطن بتقلها لا
بعدين بتطلع امي عقد دهب كبير ويجي ع قد الرقبة
بتقول من زمان هاد ما حطيتو
بتحطو بينزل عن الرقبة شوي وكتير حلو
بعدها بتجي بتلبس بنطلون اسود وكنزة خضرا حلوين كمان
بتقول شو رأيكن
بتشوفني بقلها والله هاد حلو كمان اختاري يلي تحبي
وبس هيك
ومو متذكرة الباقي بس بتتذكر القعدة كانت كتير ودية
والقلوب ع بعضها وهيك

وامي ما عندها هيك عقد دهب بالخقيقة
ووججها صح يطلعلها شوية حب وقت تفور بس مو كتير لهالدرجة
وانا اسمي لجين ومرت عمها هنا
وبس هيك

والله يجزيكِ الخير ي رب