منام عن بيع حذاء

مساء الخير ماما نجية يا رب تكوني بخير

شفت اليوم منام غريب الله يجعلو خير
شفتو بعد طلوع الشمس

بشوف بالأول رايحين عند بيت ستي ابتسام
كأنو بدنا نعمل عيد أم
تجي تقول ستي أنو بنت خالي بيان بتحتفل مع رفقاتها بغرفتها بعيد لأم
بقلها منيح ما فتت علغرفة
وبشوف بيان كأنها مع رفقاتها وفي كاتو وهيك

بعدين بشوف قاعدة مع بيان وعم نحكي
بتقلي أنتي مبسوطة بوضعك وهيك؟
بقلها اي والله مبسوطة ومرتاحة
(قصدها أني ما بطلع من البيت كتير، هي من فترة بيان تراجعت بسترتها وصارت تروح وتجي كتير
فتقصد أني مبسوطة قاعدة بالبيت بلا شي وبلا شغل وهيك)
ترجع تقلي جد مبسوطة
بقلها اي والله
وبعدين بشوفها بدها تروح ولابسة قميص ملون
وبتحط حجاب ملون تقلي حلو
بقلها خليكي ع الحجاب الأبيض هيك طلع كتير معجوق
تقلي اي هيك كأنو
وبتروح بدها تحط حجاب أبيض

بعدها بشوف أنو نحنا ببيتنا يلي بدنا نرجع له
وبكون بغرفتي
بعرف أنو عندي كلاش (حذاء مفتوح أو يسموه صندل)
لونو تفاحي وعالي شوي وحلو كتير وقماشو متل المخملية
وهو مسكر من أدام والباقي مفتوح
يشبه هالشكل بس غير لون وقماش
https://ae01.alicdn.com/kf/HTB1_zZtJVXXXXb4XFXXq6xXFXXXn/Big-size-34-43-new-fashion-women-shoes-summer-font-b-closed-b-font-toe-printing.jpg
بس كعبو يمكن موصول روك مو منفصل
وبعرف أنو بابا عاطيني ياه من فترة بس مخبيتو
بيكون يمكن بالخزانة مضبوب بعلبة فوق
تجي اختي تكتفشو وتقول بدي بيعو
بقلها لا ليش!
تقلي أنو بابا اشترالك ياه لما كان بتركيا وما اشترى لي
بقلها لا مو من تركيا
هلكلاش حدا عطاه لبابا هدية وبابا عطاني ياه! وع كل حال هو مو مناسب لعمرك!
تقول بدي بيعو!
وبكون انا ببكي وبخبيه للكلاش
حتى بشوف أخدتو وبقفل باب الغرفة حتى ما تفوت
وبدي خبيه باخد فردة منو لخبيه وما تلاقيه وبجي بفتح بلاقي مكان أحذية أختي
بقول بخبيه بشي علبة
بجي لخبيه بلاقيها ايجت ف برجع بطلعو وبتقول ح نبيعو
وانا ببكي وبقلها لا وليش وانتي ما عندك قلب !
وهي مصرة تبيعو وانا مصرة احتفظ فيه
بروح عند امي بتكون واقفة بالحمام وأبي معها وبقلها شفتي ماسة ح تبيعو!
بتقول وانتي صدقتي؟! _ قصدها يعني ما ح تبيعو
بشوفها بعدين لأختي بالصالون مع أخي أحمد
وكأنو عالنت بدهن يبيعوه لأجنبي ألماني مدري أمريكي
وأنا بقول ما حتبيعوه
وبعرف أنو هالكلاش كنت مخبيته حتى يجي وقت معين البسو
وبكون كتير متعلقة فيه بلمنام
وبس

وصح في مقطع شفتو كمان مو متأكدة بآخر المنام أو قبل
بشوف أني بلبس فستان أسود عليه بريق
بس بيكون كبير علي خصوصا من فوق
بقول هاد كبير ومناسب أكتر لبيان
تقول ستي ابتسام اي هو مناسب لجهاز بس ما ح خليه من هلأ
(قصدها مناسب لو جهاز عروس بس ما حتاخدو لبيان وتخبيه لجهازها من هلأ)
وبس

وأختي ماسة عمرها 16 ومش مرتبطة وبالمنام بشوفها كتير جادة وكأنها عصبية مع أني متفقة معها بالواقع كتير وهي طيبة
وبيان عمرها 20 كمان مش مرتبطة وعايشة عند ستي ابتسام
وانا عندي كلاش شبيه لهاد يلي بلمنام بس مو مخبيتو وبالمنام مختلف شوي
أما بيتنا فنحنا رح نرجع له ان شاء الله خلال شهر
وشفت المنام بعد طلوع الشمس صليت الضحى ودعيت الله يحقق الي بتمناه وييسر الأمور
والله يجزيكِ الخير يا رب