السلام عليكم

هما حلمين مش واحد اولا
اشرف ابنى حلم انة اعد يذاكر فى الاوضة بتاعتة ولقى نازل من على الحيطة ثعبان مش فاكر هوة كبير ولا صغير وكان بينزل فران صغيرة بس تخينة
ووقف شوية مش عارف يعمل اية وبعد كدة جاب سكينة وموت الفار وبعد كدة ضرب الثعبان كتير بسكينة لحد مامات
على الرغم ان اشرف بيخاف جدا حتى من خيالة وبيحكيلى وهوة مبسوط لانة عمل كدة
اما الحلم الثانى بتاعى انا
حلمت خير اللهم اجعلة خير اننا ريحين المصيف مع اولادى وجوزى ومرة واحد انا تهت منهم وفضلت ادور عليهم كتير واطلع سلالم طويلة قووى
وفية سلم جيت اطلع علية ماعرفت بس فى واحد كان عوز ياخد بايدى بس انا مرضتش علشان ممكن اقع ومش لبسة بنطلون تحت الهدوم
وبعدين فضلت ابص يمين وشمال لحد مالقيت مكان الناس بتطلع منة رحت وطلعت ولقيت بنت زى تمام فضلت اضحك انا وهية وقلتلها السلم اهوة بدل بهدلنتى ادام الرجالة
ومشيت لقيت زى مايكون انا فى الحسين والناس فارشة باكل وناس كتير جدا بياكلو واعدين يدعو
وفجاءة لقيت واحدة ست زى مايكون فيها لله وقفت معاها وبعد كدة لقيت ست جاتلها وهية بتعيط وادتها حاجة فى ازازة تشربها قلتلها مالها دى قالت جوزها مطلقها وواخد عيلها وان شاء الله بعد الزيت دة هيرجعو
قلتلها والزيت دة بيعمل اية تانى قالت كلة بامر الله بيخلى ال مش بيخلف يخلف ولو عوز يتجوز يتجوز وكلة بامر الله انا بس سبب
قلتلها طيب انا اختى بسمة بقلها سنة متجوزة ولفت كتير علشان تحمل ومفيش فايدة سبتنى ودخلت مكان كبير زى شادر مليان ناس
وجبتلى صرة مربوطة وقالت خدى دة بسرعة وروحى لاختك وخليها تعمل بية قلتلها اية دة قالت دة زيت بصراحة مش فاكرة قالت اسمة اية بس هية قالت على اسمة
طيب تعملة ازاى تدهن بية وسبتنى ومشيت واعد اقولها  قول بس تدهن اية بس مرضتش عليا ومشيت وهية ماشية قالت ان شاء الله هتخلف بنت
انا عارفة انى طولت عليكى بس ربنا يبارك فيكى ويخليك لينا يارب

اختى متجوزة من سنة ونصف وجوزها بيسافر ونفسها تبقى حامل وكل مرة يجى فيها تعمل كل حاجة علشان ربنا يسهل
بس مفيش فايدةعندها شوية مشاكل زى تكيس بس هية بتتعالج منة
اما انا والحمدلله حياتى تمام وعايشة كل تفكير فى اولادى وانهم يكونو قرة عينى فى الدنيا والاخرة
وبتمنى انهم ربنا يكرمهم ويبعدهم عن كل شيئ وحش بنشوفة اليومين دول
ونفسى اسيب البلد ال سكنها فيها لانى تعبت من الناس دى