بنوتة صغيرة في المنام وجزمة

ربي يسعد اوقاتك بكل خير ماما نجية
مبارح كنت بدعي الله يختارلي الخير بامر محيرني وكتتيير مضايقني
ودعيت دعاء الاستخارة
وشفت منام مش عارفة لو فيه اضغاث بس يا رب خير
بشوف بالاول اني ببيت ستي سهام
وبشوف رجل فات ع البيت وبعرف ناوي عشي سيء
بلاقيه رمى قنبلة بقول ااطلعوا من الغرفة قبل ما تنففجر
نطلع من الغرفة وما بتنفجر
بشوف ايجا عمي مهند ( وهو مسافر بالحقيقة)
نحكيله بلاقيه فات عالغرفة ومسك القنبلة وفتحها وبخاف تنفجر
بلاقي فتيل نار ح يجي عليها بس هو يمسكو ويبعدو ويطفي النار بأيدو و وانا بحط ايدي تحتو
حماية حتى ما تجي النار عالقنبلة
يمشي الحال

بعدها بشوف اني ببيت خالتي بسمات
وبشوف حفيدتها نايا وعمرها شي سنة ونص او اصغر
بس بشوفها احلىىى وبتجنن
وبالمنام بضل بضمها وببوسها كتيير
حتى بشوف اني ببوسها من تمها
وبكون كتير مبسوطة فيها
بعدين يشوف بدي روح فبعطيها لخالتي بسمات
ونايا تتضايق بدها ياني بقلها يلا قولي باي وتقول
بجي بشوف اني بلبس شبشب لونو وردي تبع اختي وبنزل الدرج
ودرج خالتي طويل شوي
وبكون مرتبكة فيه ومو مرتاحة وتجي فردة منو تفلت برجع بلبسها
ووقتا بكتشف اني لابسة جزمتي السودا الطويلة الجلد وهالشبشب لابستو فوقها لهيك ما بيفوت منيح
بجي بشلح الشبشب وبضل بالجزمة وبشوف سيارة ابي بحط الشبشب بصندوق السيارة
ونكون بدنا نرجع ع بيتنا بالسيارة
بقول لاختي كيف كتي تلبسي هالشبشب مو مريح ابدا
وبس
واختي بالفعل عندها هيك شبشب بس بالحقيقة خربان بالمنام مش خربان
وعندي جزمة سودا بالفعل
وانا بنت 19 سنة وربي يجزيك الخير

...........................