منام عن سناسل دهب وابن عمي الله يرحمه

كيفك يا ماما نجية يا رب بخير

شفت مبارح منام حلو ويا رب خير

بشوف بالبداية اني بفوت على مغارة
جوا المغارة متل نفق معتم
وهو نفق قصير وبآخرو باب خشب
بفتح الباب بلاقي مكتب مرتب جوا
وعلى جدرانه في لوحات حوليها إطارات وجواها سناسل دهب كتير وطويلة
والسناسل عليها قطع دهب آخرها وفي قطع شكلها متل الحروف العربية وكبيرة
وبشوف واحد حرف الضاد
المهم بعرف كأنو هالسناسل جوائز لي
بجي باخد أول لوحة من فوق وبفكها وبحط السناسل كلها بأيدي
بعدين بفكر ليش فكهن باخدهن اللوحات وبفكها بعدين
وبالفعل بجي باخد باقي اللوحات بدون ما فكها مع سناسلها
وبيكون مجموعهن يمكن 4 مع يلي فكيتها
المهم بجي بدي اطلع من المكتب بلاقي بابو مقفول
ويجي شاب ما بعرف مين هو يحاول يفتحو ما بيفتح
بقول يمكن في قطعة مع السناسل تفتحو
وبالفعل بلاقي قطعة حديد صغيرة مع السناسل يلي طلعتها من اللوحة
ويفتح الباب معي بسهولة
وبطلع
بلاقي ابن خالتي مصطفى وبكون مع أمي
بعطيه ورقتين مكتوب عليهن شي ما بعرف كأنو كتابة أجنبية
وبعدين بشوف السيارة عم تستنانا لأركب
ما بعرف مين بيسوقها أبي أو عمي مهند نسيت
المهم بجي بدي اركب ورا بلاقي ابن عمي حمزة المتوفي راكب
وما بعرف انه ميت بالمنام
بيكون هو راكب على الجانب اليميني من ورا
بكون بدي اقعد عل ىيمينو بس بحسو بدو يضل جنب الشباك
بقلو بدك تضل قاعد هون
بيقلي مو مشكلة ما بتفرق
بس بحسو بدو يضل قاعد ومشان ما أزعلو بركب على يسارو وبخليه بمحلو مشان ينبسط
ولما بقعد جنبو بلاقيه حامل أخوه لصغير نور وكأنو نايم
وبيكون حاملو عادي بس بفكرو بالمنام مريض متل وقت كان بالدنيا
فبخاف يتعب منو بقلو هاتو عنك
وبحطو على حضني وبضمو على صدري لنور
وبالمنام بشوف نور أصغر من عمرو وبيكون نايم وشكلو بريء كتير
وابن عمي بلمنام صحتو حلوة وشكلو حلو ومرتاح بحسو
والحمد لله صحيت مرتاحة وحسيت كأني جد قابلتو لابن عمي الله يرحمه
وبس

وابن خالتي مصطفى عمرو 21
واابن عمي حمزة الله يرحمو اتوفى من حوالي أكتر من 3 سنين
وكان مريض وصابر كتير
وانا بنت 19 سنة وربي يجزيكِ الخير يا رب