صبغ الشعر بالمنام وحفلة

مرحبا ماما نجية يا رب تكوني بخير

اليوم شفت منام بعد الفجر

بشوف بالبداية أنو أمي تصبغ شعري أسود وتزبطو بالصبغة وهيك
(هو بالواقع شعري أسود بس من فترة صبغت نصو لون مختلف بس رجعتو للأسود مع هيك
لونو شوي فتح وكنت بدي غمقو بس ماما قالتلي حلو هلأ ما يحتاج وما في نية غمقو)
المهم بالمنام بشوف صبغتو أسود ومو متأكدة بس غالباً كان في حدا تاني يساعدها بالصبغ
يمكن شيريهان بس مو متأكدة
وتترك الصبغة ع شعري وترفعو

المهم بعرف أنو عنا حفلة بدنا نروح لها وشيريهان رايحة كمان
بقول لماما كيف صبغت شعري اليوم وفي الحفلة كيف بدي لحق
تقلي مو مشكلة منزبطو
وبعرف كمان أنو بعد بيوم في حفلة خاصة الي بس ما بعرف شو تمام

المهم بشوف بالمنام كمان كأنو بيت تيتة ابتسام بشوفها وبشوف خالي حامد

بعدين بشوف بالنادي نخلص ونركب مع شيريهان بالسيارة أنو رايحين معها ع الحفلة سوا

بشوف بعدين كأني راكبة معها لحالي وجنبها وهي بتسوق
وع الطريق تكون أختها شذى بتنتظرها كأنو بمطعم وقاعدة ع طاولة تنتظر
بس بشوف شذى حلوة كتير فاردة شعرها وحاطة مكياج وحلوة كتير
( مع أنو بالواقع ما شفتها غير ع الصور وهي بالواقع مخطوبة وزواجها قريب)

المهم توقف شيريهان سيارتها بمنطقة مرموقة
هالمنطقة موجودة عنها بس هي بيتها مو هنيك
أبنية منظمة ومرتبة ومداخلها شجر ومزروع وهيك
المهم نكون فايتين ع المدخل وبدنا نفوت ع بناء ع بيت
لما نكون بالمدخل تجي تفتح موضوع الزواج وهيك
انا باخد الموضوع بمزح وبقلها بس شوفي أنا ما بقبل يكون مهري غير مليون و200
هي تضحك بقلها اي انا غالية وما بقبل إلا هيك مع اني ما بقدر بثمن بس شو بدنا نعمل
وهي تكون بتضحك مو متضايقة
وفايتة معها

وبعرف أنو يوم خميس وبكرا الجمعة حفلتي

وبس هيك
شيريهان ما كلمتني بالموضوع تاني لسا
وانا كنت بفكر بالموضوع بالليل بس ما فكرت بمهر أو هيك قصص
في أمور تانية أهم بفكر فيها عن الشاب لسا ما وضحت لي
لهيك ما بعرف لو حديث نفس أو لا
وانا متوترة شوي من الموضوع

وانا بنت 20 سنة وربي يجزيكِ الخير