منام لماما..

مرحبا ماما نجية يا رب تكوني بخير 

ماما شافت منام طمنيني ويا رب خير 

بتشوف بابا لابس مانطو طويل رصاصي طولو قبل الكاحل 
وساحب عليه وكأنو بابا طالع أطول فيه
بالمنام تعرف انه مانطو بابا
بس بالحقيقة هالمانطو كان لأبوها الله يرحمه وبيلبسوا خالي حاليا

وبيكون المانطو عبابا حلو كتير وبيكون موبايلو بجيبة صغيرة جوا المانطو 
بيطلب من ماما تقيمو معو 

بعدين بتشوفني أنا واياها وأختي ماسة قاعدين بغرفة ومعنا على جنب رجال رفقات بابا
وبابا بدو ياخدنا عالنادي 

بتشوف وصلنا الساعة 5 ونص الا خمسة
تقول وصلنا بكير 
وتشوف الكوتش شيريهان ومعها كأنو خالة بابا زهور (وهي مسافرة) 
وشيريهان بتسأل خالة زهور كيف طلعت الأكلة (كوسا محشية) 
وتعرف ماما كأنو شيريهان معلمتا الأكلة 
وتقلها ظريفة وهيك

تقلهن ماما طالما لسا في وقت خلونا نروح ع السوق جنبنا
يلبسوا الكل مشان نروح وماما تكون عم تدور على مهلها على مانطوها 
وتشوف تلبس ملايتها (خمارها) وتقول بدها تطلع بس كأنو ناقص شي 
يقولولها ملايتك مفتوحة سكريها
تسكرها ويقولوا طيب ما لبستي المانطو 
تلبس المانطو (هو بالواقع مانطو تيتة) بس بالمنام كأنو الها
ويكونوا ينتظروها يقولوا يمكن معد في وقت
تقول يلا ولو شوي منلحق 
ونركب بسيارة شيريهان بس تشوفها ماما السيارة غير كأنها اصغر من الواقع 
يقولوا بنوسع؟ تقول ماما اي بنوسع بندبرها

ومو متذكرة الباقي 
وخالة زهور تشك هي أو مرت خالها مها (والتنتين مسافرين) 
وما يعرفوا شيريهان 
وبس وربي يجزيكِ الخير