حلم غريب عن خالي

السلام عليكم ماما نجية

كيفك ؟ ان شاء الله تمام

مم شفت منام غريب و متضايقة منو و ما بعرف لو له تفسير او لا
اولاً معلش بشرحلك الوضع حتى تعرفي

بشوف المنام عن خالي
وخالي بصراحة عامل مشاكل كتيير مع أهلي
وما بيحكي معهن
بس نحنا الأولاد و البنات نسلم عليه و هيك
مع أنو نحاول نتحنب هالشي بهالفترة
المهم باختصار هو له تصرفات مو منيحة بنوب

بشوف بالحلم اني ببيت ستي
وماشية بالممر ( الكوريدور )
بلاقي خالي جاية
وبما انو شافني بقول لازم سلم
بروح لعندو بسلم عليه
بس بلاقيه ما فلتني
وضل يبوسني من خدودي كتير
ويبوس و يبوس وهو معانقني و كأنو يسلم على زوجته بعد غياب او ما بعرف يعني متل عشق
انا بنصدم و حتى من كتر ما عمل هيك
بوقع عالأرض و هو يوطي كمان و يضل ماسكني
انا هون بنصدم و بخاف كتير انو يزودها
فببعد و ببعدو بسرعة و بوقف ع جنب مصدوومة

بلاقي اختي ايجت بس هي من النوع الحذر أكتر مني مع أنها أصغر
يجي يسلم عليها شوي و تبعد فوراً

بصراحة ما بعرف لو المنام شفتو حسب المشاكل يلي صايرة
او له تفسير بس بدي اطمن منك
و شكرا كتير