حلم غريب اوى
2 مشترك
صفحة 1 من اصل 1
حلم غريب اوى
ازيك ياماما معلشى الحلم طويل اوى ... انا حلمت ان انا كنت عند بنت عمتي سالي بس مكنتش شقتها الحقيقيه وبعدين هي مش بتشتغل اصلا وقالتلي خلي بالك من الشقه ولو حد اتصل قًوليله ان في شاي انواع واحد نوع الحبايه بتاعه كبيره ونوع التاني الحبايه صغيره وقالتلي اللي يسألك بكام قوليله بجنيه كانت ف الحلم زي انها نازله رايحه مشوار وان هي بتشتغل في شركه بتاع شاي المهم هي مشت ومالاقتش حد خالص معايا في الشقه والبيت كان في سكان وبعدين كانت قبل ماتنزل كانت حطت اكل علشان ناكل انا وجوزها محمد وابنها فضل وبنتها هنا وانا بشيل الاكل لاقيت في ايدي طبق صغير فيه كبده اخدت واحده أكلتها كان طعمها حلو اوي اللي هي بتتعمل بالبصل دي وبعدين قولت لازم اغسل للإطباق اللي طلعت من الاكل علي ماترجع من بره ومش لاقيت عيالها ولا جوزها بعدها وكنت لوحدي ف الشقه بس الشقه كانت واسعه وجميله عن الحقيقه ونسيت اخد المفتاح معايا بتاع الشقه معرفش نزلت اشتري حاجه علشان احطها ف الشقه وسيبت الباب مفتوح علي الاخر علشان مش لاقيه المفتاح وانا بره خوفت حد يدخل الشقه وبعدين رجعت والشقه وانا طالعه كانت في الدور الثالث وكان البيت اللي دخلته ده جميل اوي ونضيف جدا وكان في اصانسير قولت
هطلع علي رجلي لاقيت في ناس تانيه ف الشقه بس ناس حلوه شكلهم مش حراميه وقاعدين بيجهزوا اكل علي السفره وقولتلهم ان دي مش شقتهم دي شقه بنت عمتي وكان واحد اسمه خالد امور اوي حواجبه كانت تقيله وعيونه زارقه ووشه جميل اوي معرفش مين ده ف الحقيقه ومامته تقريبا وعيال صغيره معاهم قاعدين علي السفره وبقوله انت عينك زايغه قام شتمني مردتش عليه المهم هما قالولي انهم يقربوا لسالي وجوزها وانا مش عارفاهم فجأه ببص لاقيت واقفه ف البلاكونه ناحيه السفرا دي لاقيت البلاكونه واسعه اوي ولاقيت حصان نط دخل البلاكونه معرفش جه منين وبقيت خايفه دخلت استخبيت لاقيت اوضه فيها ناس بردو مستخبيه من الحصان ده وكان في حصان تاني ف نفس الطرأه قافلين عليه باب علشان مايجيش علينا وانا لقفل الباب اللي عندي علشان الحصان مايدخلش علينا الاوضه لاقيت علي الباب ابن اخوها فؤاد ولد عمره ١٤ سنه تقريبا وبيعيط وعايز يدخل يستخبي وده الوحيد اللي كنت اعرفه ف الناس وقومت ... معلشي ياماما طولت عليكي بس كنت مصليه الفجر ودعيت كتير ونمت
هطلع علي رجلي لاقيت في ناس تانيه ف الشقه بس ناس حلوه شكلهم مش حراميه وقاعدين بيجهزوا اكل علي السفره وقولتلهم ان دي مش شقتهم دي شقه بنت عمتي وكان واحد اسمه خالد امور اوي حواجبه كانت تقيله وعيونه زارقه ووشه جميل اوي معرفش مين ده ف الحقيقه ومامته تقريبا وعيال صغيره معاهم قاعدين علي السفره وبقوله انت عينك زايغه قام شتمني مردتش عليه المهم هما قالولي انهم يقربوا لسالي وجوزها وانا مش عارفاهم فجأه ببص لاقيت واقفه ف البلاكونه ناحيه السفرا دي لاقيت البلاكونه واسعه اوي ولاقيت حصان نط دخل البلاكونه معرفش جه منين وبقيت خايفه دخلت استخبيت لاقيت اوضه فيها ناس بردو مستخبيه من الحصان ده وكان في حصان تاني ف نفس الطرأه قافلين عليه باب علشان مايجيش علينا وانا لقفل الباب اللي عندي علشان الحصان مايدخلش علينا الاوضه لاقيت علي الباب ابن اخوها فؤاد ولد عمره ١٤ سنه تقريبا وبيعيط وعايز يدخل يستخبي وده الوحيد اللي كنت اعرفه ف الناس وقومت ... معلشي ياماما طولت عليكي بس كنت مصليه الفجر ودعيت كتير ونمت
رد: حلم غريب اوى
حبيبتى رؤيتك فيها اطغاث كثيرة لكن عموما فيه رزق لك حلال ان شاء الله وفيه موضوع هتتعبى شوية فى حله لكن ربنا هيحله باذن الله وهتمرى بحبة نكد لكن هتبشرى بعريس جميل ان شاء الله وربنا يوفقك
ماما نجية- عدد المساهمات : 2327
تاريخ التسجيل : 07/09/2014
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى