محاولة القتل بالسكين

السلام عليكم ماما نجية

كيفك ان شاء الله بخير

شفت اني بكون مع أمي وخالتي بمتل سوق

فأمي وخالتي يفوتوا على محل
وانا بضل برا و يمكن ببعد عنهن شوي

المهم بشوف ايجا شاب
و كان عم يتجه ناحي

بالعشرينات أسمر له لحية شوي و شخصية
لابس قريب من لبس الجيش مرتب بس لونو بيج أو سكري سادة

المهم بيجي ناحي و بلاقيه فجأة طلع سكين و وجهو ناحي
السكين طويييل متل السيف

وانا وقتها بخاف كتير بعرف انه كأنو جهادي أو هيك شي
فبقلو استنا لا تعمل شي ! لا تفكر غلط
وتدمع عيوني مو خوف من الموت
بس بصير بفكر اني لسا بدي عيش لأعمل خير أكتر لله
و بقلو انا صاحبة دين و عائلتنا ملتزمة و انا ما بفكر متل مو متوقع
و بصير بحكي هيك
آخر شي بشوف لسا السكين بلزق رقبتي
بحس حالي استسلمت للأمر الواقع
بس بجي ببكي مو خوف و لا شي ما بعرف ليش بس بقول
" مشان الله بدك تقتلني اقتلني بس .. لا تقرب على أمي وتقتلها
عندي أخوات صغار لا تخليهن لحالون "
وقت قول هيك بيسحب السكين فورأً وبيضبها
كأنه الها مكان بخصرو أو هيك شي

المهم بلاقيه متل كأنو ابتسم ووافقني كأنو قال كلامك صح
و دار ضهرو وبدو يروح
و بلاقي 2 نسوان وحدة على يمينو و التانية على يسارو
محجبين و بعرف انو قرايبو
يجوا بدهن يروحوا معه
قبل ما يروح بنادي له و كأني حسيت بالأمان
و بقلو بدي اسألك سؤال
يقرب لعندي وبقلو شو اسمك
يبتسم ويقول فادي و يروح

.. انا ما عرفت لو المنام عادي او لا
بس انا ما كنت عم فكر بهالشي قبل النوم
و استغربت الاسم لو له معنى
و انا بنت 17 سنة ديني منيح الحمد لله

والله يجزيكِ الخير